چینی ئاخرخوب بە دانانی بارمتە ئازاد کرا
هەنگاو: پاش نزیک بە دوو مانگ یەکێک لە گیراوانی شاری سەقز بە دانانی بامرتە ئازاد کرا.
بەپێی ڕاپۆرتی گەیشتوو بە ڕێکخراوی مافی مرۆڤیی ”هەنگاو“، لەماوەی ڕۆژانی ڕابردوودا ”چینی ئاخر خوب“ هاووڵاتی خەڵکی سەقز کە ڕۆژی سێشەممە (٤ی ڕەزبەر / ٢٦ی سێپتامبر) واتە دوای بەڕێوەچوونی ڕیفراندۆمی باشووری کوردستان لەلایەن هێزە ئەمنییەکانی ئەو شارەوە دەستبەسەر کرابوو، بە دانانی بارمتە و بە شێوەی کاتی ئازاد کرا.
پێشتر “هەنگاو” بڵاوی کردبووە کە کە ئیدارەی ئیتلاعاتی ئەو شارە بە ناوبراویان ڕاگەیاندووە بە مەرجێک ئازادت دەکەین کە لەپێش کامێرا دژ بە حیزبە کوردییەکان لێدوان بدەیت.
ئەو سەرچاوە وتیشی بوو چینی لە وڵامدا ڕایگەیاندووە کە بە هیچ شێوەیەک حازر بەو کارە نابێت و ئەمش بووەتە هۆی ئەوەی هێزە ئەمنییەکان گوشار بخەنە سەر خۆی و بنەماڵەکەی هەتا بەو کارە ڕازی بێت.
دوای بەڕێوەچوونی ریفراندۆمی باشووری کوردستان سەدان کەس لە ڕۆژهەلاتی کوردستان لەلایەن هێزە ئەمنییەکانەوە دەستبەسەر کراون کە دە کەسیان ژن بووە، هەتا ئێستا ناسنامەی ٧ کەس لەو ژنانە بۆ هەنگاو ئاشكرا بووە کە ٤ کەسیان ئازاد بوون و چارەنووسی ٣ کەسی دیکەیان کە خەڵکی سنە و سەقزن نادیارە.
