فواد زەندی بەدانانی بارمتە ئازاد کرا
٣٠ خەزەڵوەر ٢٧١٧، ١٩:١٢
هەنگاو: چالاکێکی کرێکاری کورد کە نزیک بە دوو مانگ پێش دەستبەسەر کرابوو، بە دانانی بارمتە ئازاد کرا.
بەپێی ڕاپۆرتی گەیشتوو بە ڕێکخراوی مافی مرۆڤیی ”هەنگاو“ ، فواد زەندگی چالاکی کرێکاری کورد پاش ٥٣ ڕۆژ و بەدانانی بارمتەی ٢٣٠ میلیۆن تمەنی و بە شێوەی کاتی ئازاد کرا.
ئێوارەی ڕۆژی هەینی ٧ی ڕەزبەر، هێزە جل شەخسییەکانی ئیدارەی ئیتلاعاتی سنە هێرشیان کردە سەر ماڵی فواد زەندی و دەستبەسەریان کرد.
بە وتەی سەرچاوەیەکی ئاگادار، هێزە ئەمنییەکان دەرگای ماڵی ناوبراویان شکاندووە و بە زۆر چوونەتە ماڵیان و پاش دەستبەسەریان کردبوو.
