کۆڵبەرێکی دیکە بە هۆی تەقینەوەی مینەوە لاقێکی لە دەست دا
١ سەرماوەز ٢٧١٧، ١٢:٣١
هەنگاو: لە ناوچە سنوورییەکانی شاری سەردەشت کۆڵبەرێکی کورد بە هۆی تەقینەوەی مینەوە لاقێکی لە دەست دا.
بەپێی ڕاپۆرتی گەیشتوو بە ڕێکخروی مافی مرۆڤیی ”هەنگاو“، ڕۆژی سێشەممە (٣٠ خەزەڵوەر / ٢١ی نۆڤەمبر)، کۆڵبەرێکی خەڵکی سەردەشت بە هۆی تەقینەوەی مینەوە لاقێکی لە دەست دا.
هەواڵنێری ”هەنگاو“ لە شاری سەردەشت ناسننامەی ئەو کۆڵبەرە کوردەی ”ئیدریس مەحموودی“ تەمەن ٢٣ ساڵ و خەڵکی گوندی نەڵاس ڕاگەیاندووە.
ئیدریس ئێستا لەیەکێک لەناوەندە دەرمانییەکانی شاری مەهاباد لەژێر چاوەدێریی پزیشکیدایە.
ڕۆژی دووشەممەش کۆڵبەرێکی پیرانشاری بە ناوی ”لوقمان واحدی“ بە هۆی تەقینەوەی مینەوە لاقێکی لە دەست دابوو.
