سەردەشت/ کچێکی لاو کۆتایی بە ژیانی خۆی هێنا
١٢ سەرماوەز ٢٧١٧، ١٦:٢٤
هەنگاو: کچێکی گەنج لە شاری سەردەشت بە هۆی کێشەی خێزانییەوە کۆتایی بە ژیانی خۆی هێنا.
بەپێی هەواڵی گەیشتوو بە ڕێکخراوی مافی مرۆڤی “هەنگاو”، شەوی پێنجشەممە(٩ی سەرماوەز/٣٠نۆڤەمبەر) کچێکی گەنج بە ناوی (شوعلە زەربان) کچی محەممەد هەوڵی خۆکوژی داوە و کۆتایی بە ژیانی خۆی هێناوە.
شوعەلە بە هۆی کێشەی خێزانییەوە و لە ڕێگەی خۆ هەڵواسینەوە کۆتایی بە ژیانی خۆی هێناوە.
بە پشت بەستن بە ئاماری تۆمار کراو لە ناوەندی ئاماری “هەنگاو”، لە سەرەتایی ساڵی ٢٠١٧ی زایینیەوە ٢٦ ژن و کچی کورد لە ڕێگەی خۆ هەڵواسینەوە کۆتاییان بە ژیانی خۆیان هێناوە.
