لوڕستان / ڕۆژنامەنووسێکی کورد دەستبەسەر کرا
هەنگاو: هێزە ئەمنییەکانی پارێزگای لوڕستان ڕۆژنامەنووس و چالاکێکی سیاسی کوردی خەڵکی کوهدەشتیان دەستبەسەر و بۆ شوینێکی نادیاریان گواستەوە.
بەپێی ڕاپۆرتی گەیشتوو بە ڕێکخراوی مافی مرۆڤیی ”هەنگاو“، ڕۆژی یەکشەممە (١٢ی سەرماوەز / ٣ی دێسامبر)، هێزە ئەمنییەکانی شاری کوهدەشتی پارێزگای لوڕستان ”سینا قەلەندەری“ ڕۆژنامەنووس و چالاکی سیاسی خەڵکی ئەو شارەیان دەستبەسەر کردووە.
سینا قەلەندەری بەرێوەبەری کەناڵی “ڕادیۆ تێلێگرام لوڕستان” بووە و ئێستا پاش سی ڕۆژ چارەنووسی نادیارە.
“ڕادیۆ تێلێگرامی لوڕستان” یەکیک لە کەناڵە پڕ خوێنەر و خۆجییەکانی پارێزگای لوڕستانە کە لەبواری فەرهەنگی، سیاسی و کۆمەلایەتی چالاکی دەکات.
سینا قەلەندەری تەمەن ٣١ ساڵ زستانی ساڵی ڕابردوو لەلایەن لقی سێهەمی دادگای تاوانەکانی پارێزگای لوڕستان بە تۆمەتی چالاکی میدیایی حوکمی ٢ سال بەندکرانی بەسەردا سەپێندرابوو کە دواتر لەو تۆمەتە بێ بەری کرا.
