مەهاباد/ هاووڵاتییەک دوای لێدان و کوتان دەستبەسەر کرا
٢٣ سەرماوەز ٢٧١٧، ١٨:٥٢
هەنگاو: هێزە ئەمنیەتییەکانی ئێران گەنجێکی مەهابادیان دوای لێدان و کوتانێکی زۆر، دەستبەسەر کرد.
بە پێی هەواڵی گەیشتوو بە ڕێکخراوی مافی مرۆڤی “هەنگاو”، ڕۆژی سێشەممە (٢١ سەرماوەز/١٢ دیسامبر) هێزەکانی ئیدارەی ئیتلاعاتی مەهاباد، گەنجێکی خەڵکی ئەم شارەیان بە ناوی (کەیوان عەلیایی) لە گۆڕەپانی منگورایەتی دایە بەر لێدان و دواتر دەستبەسەریان کرد.
دوای ٣ ڕۆژ دەستبەسەر کرانی ئەم گەنجە کوردە، هەوڵەکانی بنەما ڵەی ناوبراو بۆ ئاگاداری لە دۆخی کوڕەکەیان، بێ ئاکام ماوەتەوە.
کەیوان عولیایی پێشتر پێشمەرگەی یەکێک لە حیزبە کوردیەکانی دژبەری ئێران بووە.
