توران مێهرەبان بە دانانی بارمتە ئازاد کرا
٢٥ بەفرانبار ٢٧١٧، ١٤:٥٢
هەنگاو: توران مێهرەبان کچە خوێندکاری خەڵکی ئورمیە دوای دوو حەفتە دەستبەسەر کران بە دانانی بارمتە ئازاد کرا.
بەپێی راپۆرتی گەیشتوو بە ماڵپەڕێ مافی مرۆڤیی “هەنگاو”، ئێوارەی ڕۆژی یەکشەممە (٢٤ی بەفرانبار / ١٤ی ژانویە)، توران مێهرەبان خوێندکاری زانکۆی نازلووی ئورمیە دوای دوو حەفتە ڕاگیران لە دەستبەسەرگەی ئیدارەی ئیتلاعاتی ئورمیە بە دانانی بارمتە و بە شێوەی کاتی ئازاد کرا.
ئەو کجە خوێندکارە ڕۆژی دووشەممە (١١ی بەفرانبار / ١ی ژانویە) لەلایەن هێزە ئەمنییەکانی ئورمیەوە بە تۆمەتی بەشداری لە خۆپێشاندانەکانی شاری ئورمیە دژ بە گەندەڵی ئابووری و حوکمەتی ئێران دەستبەسەر کرابوو.
توران لە دەستبەسەرگەی ئیدارەی ئیتلاعاتی ئورمیە ئەشکەنجە کرابوو و پێشتر یەکێک لە نزیکانی ناوبراو ئەو هەواڵەی بۆ “هەنگاو” پشتڕاست کردبوویەوە.
