هاوڵاتییەکی بۆکانی لە ساوە دەستبەسەر کرا
١٤ ڕێبەندان ٢٧١٧، ١٩:٢٧
هەنگاو: هاووڵاتیەکی خەڵکی شاری بۆکان لەلایەن هێزە ئەمنیەکانی حکومەتی ئێران دەستبەسەر کرا.
بە پێی هەواڵی گەیشتوو بە سایتی مافی مرۆڤی “هەنگاو” ڕۆژی پێنجشەممە (١٢ ڕێبەندان/ ١ فوریە)، هێزە ئەمنیەکانی ئێران لە شاری ساوە، هێرشیان کردە سەر ماڵی هاووڵاتیەکی بۆکانی بە ناوی “خالید ڕەشیدی” و دەستبەسەریان کردووە.
خالید کوری عەبدوڵڵا و تەمەنی ٣٥ ساڵە، سێ ساڵە لە شاری ساوە نیشتەجێییە و لە کێڵگەیەکی بە خێوکردنی پەلەوەر ئیش دەکات.
هەتا ئێستا هۆکاری دەستبەسەرکردنی ئەم هاوڵاتیە بۆکانیە بۆ “هەنگاو” ڕوون نەبووەتەوە و هیچ زانیاریەک لەسەر چارەنووسی ناوبراو لەبەر دەست نیە.
شایانی باسە لە خالید ڕەشیدزادە ساڵی ١٣٨١ هەتاوی بە تاوانی هاوکاری لەگەڵ حیزبە کوردیەکانی دژبەری ئێران دەستبەسەر کرابوو.
