لاوێکی ئیلامی بە تۆمەتی پشتگیری ڕیفراندۆمی باشووری کوردستان حوکمی بەندکرانی بەسەردا سەپا
٢٥ ڕێبەندان ٢٧١٧، ١٧:٢٩
هەنگاو: یەکێک لە دەستبەسەرکراوەکانی دوای بەڕێوەچوونی ڕیفراندۆمی سەربەخۆیی هەرێمی کوردستان لە ئیلام حوکمی بەندکرانی بسەردا سەپێندرا.
بە پێی ڕاپۆرتی ”ناوندی دێموکراسی و مافی مرۆڤی کوردستان“، رۆژی دوشەممە (٢٣ ڕێبەندان/١٢ فوریە) فەرامەرز مەلک شاهی خەڵکی ئیلام لەلایەن دەزگایی دادوەریی حکومەتی ئێرانەوە حوکمی ٦ ساڵ بەندکرانی بەسەر سەپێندرا.
ئەم حوکمە بە تۆمەتی (هاندانی خەڵکی ئیلام بۆ دەربڕینی خۆشی و شادی دوای بەڕێوەچوونی گشتپرسی سەربەخۆیی هەرێمی کوردستان) بە سەر فەرامەرز دا سەپێندراوە.
فەرامەرز مەلک شاهی پاییزی ئەمساڵ و دوای بەڕێوەچوونی ڕیفراندۆمی هەرێمی کوردستان دەستبسەسەر و دوای دو حەوتوو بە دانانی بارمتەی١٠٠ملوێنی بە شێوەی کاتی لە زیندان ئازاد کرا.
