خۆکوشتنی لانیکەم ١٨ هاووڵاتیی کورد لە مانگی ڕێبەندانی ٢٧٢٠
هەنگاو: لە ماوەی مانگی ڕابردوو لانیکەم ١٨ هاووڵاتیی کورد لە شارە جیاجیاکانی کوردستان کۆتاییان بە ژیانی خۆیان
هەنگاو: لە ماوەی مانگی ڕابردوو لانیکەم ١٨ هاووڵاتیی کورد لە شارە جیاجیاکانی کوردستان کۆتاییان بە ژیانی خۆیان هێناوە کە تەمەنی ٤ کەسیان ژێر ١٨ ساڵ بووە.
بە پشتبەستن بە ئاماری تۆمارکراو لە ناوەندی ئامار و بەڵگەنامەکانی ڕێکخراوی مافی مرۆڤی هەنگاو، لە ماوەی مانگی ڕێبەندانی ٢٧٢٠، لانیکەم ١٨ هاووڵاتیی کورد کۆتاییان بە ژیانی خۆیان هێناوە.
بەپێی ئەم ڕاپۆرتە، لەو ماوەیەدا ١٠ پیاو و ٨ ژن کۆتاییان بە ژیانی خۆیان هێناوە کە تەمەنی٤ کەسیان (٣ کچ و ١ کوڕ) ژێر ١٨ ساڵ بووە. هۆکاری زۆربەی خۆکوشتنەکانی کێشەی خێزانی و کێشەی ئابووری و هەژاری بووە.
جیاکردنەوە بە پێی پارێزگاکان
پارێزگای ئیلام: ٣ حاڵەت (١ ژن و ٢ پیاو)
پارێزگای کرماشان: ٥ حاڵەت ( ٣ ژن و ٢ پیاو)
پارێزگای سنە: ٦ حاڵەت (٢ ژن و ٤ پیاو)
پارێزگای ئورمیە: ٤ حاڵەت (٢ ژن و ٢ پیاو)
هۆکاری خۆکوشتن
کێشەی خێزانی: ٨ حاڵەت (٥ ژن و ٣ پیاو)
هەژاری و بێکاری: ٧ حاڵەت (١ژن و ٦ پیاو)
نادیار: ٣ حاڵەت (٢ژن و ١ پیاو)
شێوەی خۆکوشتن
خۆهەڵواسین: ٧ حاڵەت (٣ ژن و ٤ پیاو)
خواردنی حەب: ٢ حاڵەت (١ ژن و١ پیاو)
خۆفڕێدانە خواروە لە بەرزایی: ١ حاڵەت (١ ژن)
خۆسووتاندن: ٣ حاڵەت (٢ ژن ١ پیاو)
بە چەک: ٥ حاڵەت (٣ ژن و ٢ پیاو)
