لە دوو حەوتووی ڕابردوودا لانیکەم ٢٧ هاووڵاتیی کورد دەستبەسەر کراون

هەنگاو: لە ماوەی دوو حەوتووی ڕابردوودا ناوەندە ئەمنییەکانی کۆماری ئیسلامی ئێران لە شارە جیاجیاکانی کوردستان لانیکەم ٢٧ هاووڵاتیی کوردیان دەستبەسەر کردووە.

بە بشتبەستن بە ئاماری تۆمارکراو لە ناوەندی ئامار و بەڵگەنامەکانی ڕێکخراوی مافی مرۆڤی هەنگاو، لە ماوەی نیوەی یەکەمی مانگی بانەمەڕی ٢٧٢١ دا (١٤ ڕۆژی ڕابردوودا)، لانیکەم ٢٧ هاووڵاتیی کورد لەلایەن ناوەندە ئەمنییەکانی کۆماری ئیسلامی ئێرانەوە بە تۆمەتی چالاکی سیاسی و مەدەنی دەستبەسەر کراون.

لە نێو ئەو دەسبەسەرکراوانەدا دوو ژن و دوو مێرمنداڵی ١٦ ساڵە بوونیان هەیە.

لە کۆی ئەو کەسانەی کە دەستبەسەر کراون ٢٥ کەسیان هێشتا دەستبەسەر و دوو چالاکیش کە ڕۆژی ١ی مەی (ڕۆژی جیهانیی کرێکار) لە سنە دەستبەسەر کرابوون، ئازاد کراون.

هەروەها، ٣ کەس لە کۆی ئەو ٢٧ کەسە لەلایەن هێزەکانی ئیتلاعاتی سپا و ٢٤ کەسیان لەلایەن هێزەکانی ئیدارەی ئیتلاعات دەستبەسەر کراون.

ناوی دەستبەسەر کراوەکان بە شێوەی خوارەوەیە؛

سنە

١_ عەتائوڵڵا ڕەزاڕوبابی ٢_ مەرزیە غولام وەیسی ٣_ سیروان عەبدوڵڵاهی ٤_ مێهدی سەیفی ٥_ فەردین ڕەحیمی ٦_ ئارام مورادیان ٧_ ئەمیر ڕەزایی ٨_ ئارەش ئەحمەدی ٩_ شێڕکۆ مینبەری ١٠_ کاوە مینبەری ١١_ سەریاد مینبەری ١٢_ پەیام مینبەری ١٣_ ئەحمەد عەزیزی ١٤_ زاگرۆس عەباسی ١٥_ شەیس ئەمانی ١٦_ هۆشەنگ کەریمی

مەریوان؛

١_ شێرکۆ سوهرابی ٢_ فواد فەیزی ٣_ ئاکۆ خۆشنەوازیان ٤_ کەژوان فەیزی

پیرانشار؛

١_ سەفیە مامووشی پوور ٢_ ڕەسووڵ عەبدوڵڵانژاد ٣_ عەلی بەزازی

ئورمیە؛

١_ ئەمین ئەحمەدی ٢_ نیما حەسەن پوور

شووت؛

١_ محەمەد ئارغا

مەهاباد؛

١_ سیرووس مەلوودی