دەستبەسەر کرانی ٥٠ هاووڵاتیی کورد لە ژانویەی ٢٠٢٢ دا

هەنگاو: لە مانگی ڕابردووی زایینیدا دەستبەسەر کرانی لانی کەم ٥٠ هاووڵاتیی کورد بە تۆمەتی چالاکی سیاسی، مەدەنی و مەزهەبی لەلایەن هێزە ئەمنییەکانەوە تۆمار کراوە و ٧ چالاکیش لەلایەن دەزگای دادوەرییەوە سزای بەندکرانیان بە سەردا سەپاوە.

بە پشتبەستن بە ئاماری تۆمارکراو لە ناوەندی ئامار و بەڵگەنامەکانی ڕێکخراوی مافی مرۆڤی هەنگاو، لە ماوەی مانگی ژانویەی ٢٠٢٢، لانی کەم دەستبەسەر کرانی٥٠ هاووڵاتیی کورد بە تۆمەتی چالاکی سیاسیم، مەدەنی و مەزهەبی لەلایەن ناوەندە ئەمنییەکانی کۆماری ئیسلامیی ئێرانەوە تۆمار کراوە.

بەپێی ئەم ڕاپۆرتە، ٤٠ هاووڵاتی بە تۆمەتی چالاکی سیاسی و هاوکاری حیزبە کوردستانییەکان، ٨ هاووڵاتی بە تۆمەتی چالاکی مەدەنی و ٢ کەسیش بە تۆمەتی چالاکی مەزهەبی دەستبەسەر کراون.

مانگی ڕابردوو لانی کەم ٥ چالاکی ژن لە کوردستان دەستبەسەر کراون و ٦ کەس لەوانەش کە دەستبەسەر کراون بە مەبەستی تێپەڕاندنی سزای بەندکرانەکەیان ڕەوانەی بەندیخانە کراون.

زیاترین ڕێژەی دەستبەسەر کرانەکان کە ٣٦ حاڵەت بووە لەلایەن ئیدارەی ئیتلاعاتەوە بووە و ٦٠٪ دەستبەسەر کراوەکان (٣٠ حاڵەت) لەلایەن هێزە ئەمنییەکانەوە و لە ماڵەکانی خۆیاندا دەستبەسەر کراون.

جیاکردنەوە بە پێی تۆمەتەکان

چالاکی سیاسی: ٤٠ حاڵەت کە دەکاتە ٨٠٪ی کۆی حاڵەتەکان.

چالاکی مەدەنی و پیشەیی: ٨ حاڵەت کە دەکاتە ١٦٪ی کۆی حاڵەتەکان.

چالاکی مەزهەبی: ٢ حاڵەت کە دەکاتە ٤٪ی کۆی حاڵەتەکان.

جیاکردنەوە بە پێی پارێزگاکان

پارێزگای کرماشان: ٤ حاڵەت

پارێزگای ئورمیە: ٢٥ حاڵەت

پارێزگای سنە: ٢١ حاڵەت

ئەو ناوەندەی کە هاووڵاتییانی دەستبەسەر کردووە

ئیتلاعاتی سوپا: ٨ حاڵەت

ئیدارەی ئیتلاعات: ٣٦ حاڵەت

جێبەجێ کردنی سزاکان: ٦ حاڵەت

شوێنی دەستبەسەر کران

ماڵەوە: ٣٠ حاڵەت

شەقام: ٤ حاڵەت

شوێنی کار: ٥ حاڵەت

دادگا: ٦ حاڵەت

ئیدارەی ئیتلاعات: ٤ حاڵەت

ئیتلاعاتی سوپا: ١ حاڵەت

بە پشتبەستن بە ئاماری هەنگاو، لە مانگی ژانویەی ئەمساڵدا لانی کەم ٧ چالاکی کورد بە تۆمەتی چالاکی سیاسی و مەدەنی لەلایەن دەزگای دادوەریی کۆماری ئیسلامیی ئێرانەوە سەرجەم سزای ٥ ساڵ و ١٠ مانگ بەندکرانیان بە سەردا سەپاوە.