ئیتلاعاتی ڕوانسەر پیرەمێردێکی تەمەن ٦٠ سالی بانگهێشت و بێ ڕێزییان پێکردووە
هەنگاو:ئیدارەی ئیتلاعاتی روانسەر لەماوەی ڕۆژانی ڕابردوو دەستیان داوەتە بانکهێشت و بێ ڕێزی کردن بە بنەماڵەی چالاکانی سیاسی و.
هەنگاو:ئیدارەی ئیتلاعاتی روانسەر لەماوەی ڕۆژانی ڕابردوو دەستیان داوەتە بانکهێشت و بێ ڕێزی کردن بە بنەماڵەی چالاکانی سیاسی و مەدەنی ئەو شارە کە دەرەوەی ئێران دەژین.
بەپێی هەواڵی گەیشتوو بە ڕێكخراوی مافی مرۆڤی “هەنگاو”، ڕۆژی چوارشەممە (١٠ی گەلاوێژ ٢٧١٨/ ١ی ئاگۆست٢٠١٨) ئیدارەی ئیتلاعاتی روانسەر، باوکی چالاکێکی سیاسی بە ناوی خالد سەفەری یان بانگهێشت کردووە و دووایی لێکۆڵینەوە، بێ ڕێزیان پێ کردووە.
بە وتەی سەرچاوەیەکی ئاگادار، بەرپرسانی ئیدارەی ئیتلاعاتی روانسەر، باقر سەفەری، تەمەن ٦٠ ساڵیان بانگێشت و وێڕای بێڕێزی پێکرد داویانەتە بەر لێدان و کوتان. ناوبراو بۆ ئەمڕۆژ بانگهێشتی ئەو ئیدارە کراوەتەوە.
لەلایەکی دیکەوە، ڕۆژی سێشەممە (٩ی گەلاوێژ ٢١٧٨) ئیدارەی ئیتلاعاتی شاری روانسەر، هاووڵاتیەکی بە ناوی “پەیمان نەزەری” کە براکەی لە وڵاتی ئاڵمان پەنابەرە، بانکهێشت و بۆ ماوەی چوار کاتژمیر لێکۆڵینەوەیان لێ کردووە.
لە ڕێکەوتی ٢٥ی پووشپەڕی ئەمساڵدا، ئیدارەی ئیتلاعاتی روانسەر، پیاوێکی ٦٠ ساڵان بە ناوی محەممە مروەتی بانگهێشت کردبوو.
محەممەد مروەتی، خەڵکی جوانرۆیە و ساڵانێک لە روانسەر نیشتەجی بووە، ناوبراو یەکێک لە کورەکانی لە دەرەوەی وڵات دەژی.
