سێشەممە ١٥ خەزەڵوەر، ٢٧٢٤

کەرەج؛ هاووڵاتییەکی کورد لە ژێر ئەشکەنجەدا گیانی لە دەست دا

لاوێکی خەڵکی کرماشان بە ناوی موحسین عەباسی تەمەن ٣٩ ساڵ کە لەلایەن ناوەندی بەرەنگاربوونەوەی ماددە هۆشبەرەکانی شاری کەرەج دەستبەسەر و بە سەختی ئەشکەنج

٢٠ بانەمەڕ ٢٧٢٢، ٢١:٤٩
هەواڵەکان

 

هەنگاو: چوارشەممە ٢٠ی بانەمەڕی ٢٧٢٢

لاوێکی خەڵکی کرماشان بە ناوی موحسین عەباسی تەمەن ٣٩ ساڵ کە لەلایەن ناوەندی بەرەنگاربوونەوەی ماددە هۆشبەرەکانی شاری کەرەج دەستبەسەر و بە سەختی ئەشکەنجە کرابوو، دوای گوازرانەوەی بۆ بەندیخانەی بوئین زەهرای ئەو شارە بە هۆی سەختی برینەکانییەوە گیانی لە دەست دا.

بەگوێرەی ڕاپۆرتی گەیشتوو بە هەنگاو، موحسین عەباسی سەرەتای خاکەلێوەی ئەمساڵ لەلایەن هێزەکانی ناوەندی بەرەنگاربوونەوەی ماددە هۆشبەرەکان بە تۆمەتی پەیوەندیدار بە ماددە هۆشبەرەکانەوە دەستبەسەر کرابوو و دوای یەک مانگ ئەشکەنجە کردن بە مەبەستی وەرگرتنی دانپێدانانی زۆرەملێ ڕۆژی پێنجشەممەی هەفتەی ڕابردوو ١٥ی بانەمەڕ گوازرابووەوە بۆ بەندی قەرەنتینەی بەندیخانەی بوئین زارای شاری کەرەج.

سەرچاوەکانی هەنگاو ڕایانگەیاندووە کە موحسین عەباسی لە دەستبەسەرگەی ناوەندی بەرەنگاربوونەوەی ماددە هۆشبەرەکانی کەرەج بە سەختی ئەشکەنجە کراوە و ڕۆژی هەینی ١٦ی بانەمەڕ واتە یەک ڕۆژ دوای گوازرانەوەی بۆ بەندیخانە بە هۆی سەختی برینەکانییەوە گیانی لە دەست داوە.

یەکێک لە نزیکانی بنەماڵەی عەباسی لەو بارەوە بە هەنگاوی وت: «تەرمی موحسین کە ئاسەواری ئەشکەنجە و شین بوونەوە بە جەستەیەوە دیار بووە توێکاری پزیشکی بۆ کراوە و بنەماڵەی عەباسی چاوەڕوانی ڕاگەیاندنی ڕای پزیشکی داد دەکەن».

تەرمی موحسین حەباسی دوای پێنج ڕۆژ ئەمڕۆ سێشەممە ٢٠ی بانەمەڕ ڕادەستی بنەماڵەکەی کراوەتەوە و لە گوندی «دێ مووسا» سەر بە شارۆچکەی سەرفیروزئاوای کرماشان ئەسپەردەی خاک کراوە.

 


 

زیاتر بخوێننەوە لەم بارەوە

گواستنەوەی عەلی ڕوحی بۆ گرتنگەی ئیتلاعاتی سوپا لە سنە
١٥ خەزەڵوەر ٢٧٢٤، ١٧:٣٩
نەوسوود؛ برینداربوونی ماردین شوکری لە کاتی کۆڵبەری بە تەقەی ڕاستەوخۆی هێزە چەکدارەکانی ئێران
١٥ خەزەڵوەر ٢٧٢٤، ١٤:٠٠
سنە، دەستبەسەرکران و نادیاری چارەنووسی عیزەتوڵڵا زەینەلپوور
١٥ خەزەڵوەر ٢٧٢٤، ١٢:٥٧
بەندیخانەی سەقز؛ گواستنەوەی جەهانگیر ڕەحیمی بۆ ژووری تاکەکەسی بە مەبەستی جێبەجێکرانی سزای سێدارەکەی
١٤ خەزەڵوەر ٢٧٢٤، ٢٠:٣٢
ڕاپۆرتی مانگانەی هەنگاو لەسەر پێشێلکرانی مافەکانی ژنان لە ئێران، ئۆکتۆبەری ٢٠٢٤
١٤ خەزەڵوەر ٢٧٢٤، ١٦:٥٢
سەقز؛ کەیوان ڕەحیمی، چالاکی کۆمەڵایەتی سزای بەندکرانی بەسەردا سەپێندرا
١٤ خەزەڵوەر ٢٧٢٤، ١٤:٤٣
جێبەجێکردنی سزای سێدارەی ئاروین قارەمانی، هاووڵاتیی جوو لە بەندیخانەی دیزڵئاوای کرماشان
١٤ خەزەڵوەر ٢٧٢٤، ١٣:٠١
شنۆ؛ سەپاندنی سزای بەندکران بۆ سەر سێ هاووڵاتی لە دەستبەسەرکراوانی دووەمین ساڵڕۆژی کوشتنی ژینا ئەمینی
١٤ خەزەڵوەر ٢٧٢٤، ١٠:٤٦