یەکشەممە ٢ بەفرانبار، ٢٧٢٤

دوو بەندکراوی سیاسی خەڵکی بۆکان دوای ٧ ساڵ بەندکران ئازاد کران

حوسێن ئیبراهیم حەمزە و جەماڵ یووسفی دوو بەندکراوی سیاسی خەڵکی بۆکان، دوای حەوت ساڵ بەندکران بێ یەک ڕۆژ مافی مرەخەسی، ئەمڕۆ یەکشەمم

٢٥ بانەمەڕ ٢٧٢٢، ٠٤:٥٥
هەواڵەکان
بەندکراوان

 

هەنگاو: یەکشەممە ٢٥ی بانەمەڕی ٢٧٢٢

حوسێن ئیبراهیم حەمزە و جەماڵ یووسفی دوو بەندکراوی سیاسی خەڵکی بۆکان، دوای حەوت ساڵ بەندکران بێ یەک ڕۆژ مافی مرەخەسی، ئەمڕۆ یەکشەممە ٢٥ی بانەمەڕی ٢٧٢٢ لە بەندیخانەی ناوەندیی مەهاباد ئازاد کران.

هەنگاو زانیویەتی کە جەماڵ یووسفی و حوسێن ئیبراهیم حەمزە، دوای ٧ ساڵ ناڕوونی چارەنووسیان لە بەندیخانەکانی ئورمیە، بۆکان و مەهاباد دواجار لە مانگی سەرماوەزی ساڵی ڕابردوودا لە ڕێگەی ڤیدیۆ کۆنفرانس دانیشتنی دادگاکەیان لە لقی یەکەمی دادگای شۆڕشی مەهاباد بەڕێوە چووە بە تۆمەتی «ئەندامەتی لە حیزبی دێموکراتی کوردستانی ئێران هەر کامەیان سزای ٥ ساڵ و ٧ مانگ و ١٦ ڕۆژ بەندکرانیان بە سەردا سەپاوە و ئەو سزایە لە ڕۆژانی ڕابردوودا پێیان ڕاگەیەندراوە.

حوسێن ئیبراهیم حەمزە تەمەن ٤٤ ساڵ و جەماڵ یووسفی لە ساڵی ٢٧١٥ لە لایەن هێزەکانی ئیتلاعاتی بۆکان دەستبەسەر و بۆ دەستبەسەرگەی ئەم ناوەندە ئەمنییە لە شاری ئورمیە گوازرانەوە.

ئەو دوو بەندکراوە سیاسییە پاش کۆتایی هاتنی لێپرسینەوەکانیان بۆ بەندیخانەی ناوەندیی ئورمیە گوازرانەوە و پاش دوو ساڵ بۆ بەندیخانەی ناوەندیی بۆکان گوازرانەوە.

حوسێن ئیبراهیم حەمزە جەماڵ یووسفی ساڵی ڕابردوو بە شێوەیەکی لە ناکاو لە بەندیخانەی بۆکانەوە بۆ بەندیخانەی ناوەندیی مەهاباد گوازرانەوە و هەتا کاتی ئازادی لەو بەندیخانەیە ڕاگیرابوون.

حوسێن ئیبراهیم حەمزە و جەمال یووسفی لە ماوەی حەوت ساڵی ڕابردوودا بێبەش کراون لە دەستڕاگەیشتن بە پارێزەر، هەروەها مافی مرەخەسیشیان پێ نەدراوە.

 


 

زیاتر بخوێننەوە لەم بارەوە

سنە؛ بەردەوامیی دەستبەسەرکران و ناڕوونی چارەنووسی سەیران خەسرەوی، چالاکی مافەکانی ژنان
٢٢ سەرماوەز ٢٧٢٤، ١٥:٣٨
بەندیخانەی ئورمیە؛ بەردەوامبوونی دەستبەسەرکران و ناڕوونیی چارەنووسی ڕزگار بەیگزادە بابامیری؛ سەپاندنی تۆمەتی ئەمنییەتی بە سەر ناوبراو
٢١ سەرماوەز ٢٧٢٤، ٢٣:٢٧
پەخشان عەزیزی بەندکراوی سیاسیی مەحکووم بە سێدارە ١٥٠ ڕۆژە لە مافی دیتنی بنەماڵە و پارێزەکانی بێبەشە/ نیگەرانیی پارێزەرەکانی لە دەستتێوەردانی ئەمنی لە دادگای پیداچوونەوە
١٥ سەرماوەز ٢٧٢٤، ١٩:٤٠
بەندیخانەی ئورمیە؛ میحراب عەبدوڵڵازادە، لە دەستبەسەرکراوانی بزووتنەوەی ژن ژیان ئازادی سزای سێدارەی بەسەردا سەپێندرا
٩ سەرماوەز ٢٧٢٤، ٢٠:٤٨
سنە؛ عەلی ئەڵڵاوەیسی سزای ١٨ مانگ بەندکرانی بەسەردا سەپێندرا
٢٨ خەزەڵوەر ٢٧٢٤، ١٣:٠٦
ئورمیە؛ سێ بەندکراوی کورد بە تۆمەتی سیخوڕیکردن بۆ ئیسرائیل سزای لەسێدارەدانیان بەسەردا سەپێندرا
١٧ خەزەڵوەر ٢٧٢٤، ٢٢:٢٥
گواستنەوەی عەلی ڕوحی بۆ گرتنگەی ئیتلاعاتی سوپا لە سنە
١٥ خەزەڵوەر ٢٧٢٤، ١٧:٣٩
بانە، بەردەوامی دەستبەسەرکران و نادیاری چارەنووسی سینەماکاری کورد ڕەزا عەلایی
٢١ ڕەزبەر ٢٧٢٤، ١٥:١٠