هاووڵاتییەکی دیکەی خەڵکی هەرێمی کوردستان بە تەقەی هێزەکانی سوپا بریندار کرا
هاووڵاتییەکی خەڵکی هەرێمی کوردستان بە ناوی ڕەسووڵ عەبدولڕەحمان تەمەن ٢٧ ساڵ ڕۆژی سێشەممە ١٠ی جۆزەردانی ٢٧٢٢ بە تەقەی ڕاستەوخۆی هێزەکانی سوپای پاسدارا
هەنگاو: سێشەممە ١٠ی جۆزەردانی ٢٧٢٢
هاووڵاتییەکی خەڵکی هەرێمی کوردستان بە ناوی ڕەسووڵ عەبدولڕەحمان تەمەن ٢٣ ساڵ ڕۆژی سێشەممە ١٠ی جۆزەردانی ٢٧٢٢ لە کاتی کۆڵبەری بە تەقەی ڕاستەوخۆی هێزەکانی سوپای پاسداران لە سنووری پیرانشار بریندار کرا.
بە وتەی سەرچاوەیەکی ئاگادار، ڕەسووڵ عەبدولڕەحمان خەڵکی گوندی "شنێنە" سەر بە شاری پشدەر لە پارێزگای سلێمانییە و بە هۆی قورسی برینەکەیەوە بۆ نەخۆشخانەی شاری قەڵادزێ گوازراوەتەوە.
جێگای ئاماژەیە کە ڕۆژی شەممەش هەر لەو سنوورە هێزەکانی سوپای پاسداران ژمارەیەک کاسبکاریان دایە بەر دەستڕێژی گوللە و لە ئاکامدا کاسبکارێکی خەڵکی سەنگەسەر بە ناوی کەیوان عەبدوڵڵا تەمەن ٣٠ ساڵ گیانی لە دەست دا.
بە پشتبەستن بە ئاماری تۆمارکراو لە ناوەندی ئامار و بەڵگەنامەکانی ڕێکخراوی مافی مرۆڤی هەنگاو، لە ماوەی مانگی ڕابردوودا هاووڵاتییەکی خەڵکی هەرێمی کوردستان بە تەقەی ڕاستەوخۆی هێزەکانی سوپای پاسداران کوژراوە و لانی کەم پێنج هاووڵاتیی دیکەش بریندار کراون.
