دەستبەسەرکرانی هاووڵاتییەکی خەڵکی کەڵاتەرزان لە سنە

هەنگاو: یەکشەممە ١٦ی گەلاوێژی ٢٧٢٢

هاووڵاتییەکی خەڵکی گوندی دانیکەش سەر بە شارۆچکەی کەڵاتەرزانی سنە بە ناوی ئارام ئەفزەلی تەمەن ٢٨ ساڵ، هەفتەی ڕابردوو لەلایەن هێزەکانی ئیدارەی ئیتلاعاتی سنە دەستبەسەر و چارەنووسی نادیارە.


بەگوێرەی هەواڵی گەیشتوو بە ڕێکخراوی مافی مرۆڤی هەنگاو، ئارام ئەفزەلی ڕۆژی سێشەممە ١١ی گەلاوێژی ٢٧٢٢ (٢ی ئاگۆستی ٢٠٢٢) لە ناوەندی گۆڕینی ژمارەی تابلۆی ئۆتۆمبێل و بە بێ نیشاندانی هیچ بەڵگەیەکی یاسایی و دادوەری لەلایەن هێزەکانی ئیدارەی ئیتلاعاتەوە دەستبەسەر کراوە.

هەتا کاتی ئامادە کردنی ئەم هەواڵە هیچ زانیارییەک لەسەر هۆکاری دەستبەسەرکران و ئەو تۆمەتانەی دراوەتە پاڵ ئارام ئەفزەلی و هەروەها شوێنی ڕاگیران و چارەنووسی لەبەردەستدا نییە و بەدواداچوونی بنەماڵەکەی لەو بارەوە بێ ئاکام ماوەتەوە.