ناڕوونی چارەنووسی فەراز پەرتەوی، هاووڵاتی دەستبەسەرکراوی خەڵکی ڕوانسەر و بەڕێوەبەری گشتی ئەمنیەتی هێڵی ئێرانسڵ
سەرەڕای تێپەڕبوونی یەک مانگ بەسەر دەستبەسەرکرانی فەراز پەرتەوی، هاووڵاتیی خەڵکی ڕوانسەر سەر بە پارێزگای کرماشان، لە شاری تاران، هێشتا چارەنووسی ناڕوونە. ناوبرا
هەنگاو: شەممە ٢٦ی سەرماوەزی ٢٧٢٢
سەرەڕای تێپەڕبوونی یەک مانگ بەسەر دەستبەسەرکرانی فەراز پەرتەوی، هاووڵاتیی خەڵکی ڕوانسەر سەر بە پارێزگای کرماشان، لە شاری تاران، هێشتا چارەنووسی ناڕوونە. ناوبراو بەڕێوەبەری گشتی ئەمنیەتی و شیکاری داتاکانی ئێپراتۆری ئێرانسێلە.
بەپێی ڕاپۆرتی گەیشتوو بەڕێکخراوی مافی مرۆڤی هەنگاو، کۆتاییەکانی مانگی خەزەڵوەری ٢٧٢٢، فەراز پەرتەوی، خەڵکی ڕوانسەر و دانیشتووی شاری تاران دوای دەستبەسەرکرانی لەلایەن هێزە حکومەتییەکان بۆ بەندی ٢٠٩ی بەندیخانەی ئێڤین گواسترابووەوە.
بەوتەی سەرچاوەیەکی ئاگادار، ئەم هاووڵاتییە بەهۆی هاوکاری نەکردن لەگەڵ ناوەندە حکومەتییەکان دەستبەسەرکراوە و ئەگەری سەپاندنی تۆمەتگەلێکی ئەمنییەتی بەسەریدا لە ئارادایە. ناوبراو لە کاتی دەستبەسەرکرانیدا کەوتووەتە بەر لێدان و کوتانی هێزە حکومەتییەکان.
بەپێی ئەو زانیارییانەی دەستی هەنگاو گەیشتووە، دۆخی فەراز پەرتەوی لە بەندیخانەی ئێڤین جێگای نیگەرانییە و لە بارودۆخێکی دەروونی ناجێگیردایە. شیاوی باس کردنە کە هەتا ئێستا بنەماڵەکەی نەیانتوانیوە لە بەندیخانەیە چاویان پێ بکەوێت.
