نزیک بە دوو مانگە چارەنووسی هاووڵاتییەکی خەڵکی شاری مەریوان ناڕوونە
محەممەد دادڕەس، هاووڵاتیی خەڵکی شاری مەریوان و یەکێک لە دەستبەسەرکراوانی مانگی سەرماوەز، سەرەڕای تێپەڕکردنی ۵٤ ڕۆژ دەستبەسەربوون و لێپرسینەوە، هێشتا چار
هەنگاو: پێنجشەممە، ٢٩ی بەفرانباری ٢٧٢٢
محەممەد دادڕەس، هاووڵاتیی خەڵکی شاری مەریوان و یەکێک لە دەستبەسەرکراوانی مانگی سەرماوەز، سەرەڕای تێپەڕکردنی ۵٤ ڕۆژ دەستبەسەربوون و لێپرسینەوە، هێشتا چارەنووسی ناڕوونە.
بەپێی ڕاپۆرتی گەیشتوو بە ڕێکخراوی مافی مرۆڤی هەنگاو؛ محەممەد دادڕەس، تەمەن ٣٠ ساڵ و خەڵکی گوندی "سەردۆش"ی سەر شاری مەریوان، ڕۆژی سێشەممە، ٢٧ی بەفرانباری ٢٧٢٢ (١٧ی جەنیوەری ٢٠٢٣)، پاش ۵٤ ڕۆژ لێپرسینەوە و لێکۆڵینەوە، لە دەستبەسەرگەی ئیتلاعاتی حکوومەت لە مەریوان بۆ بەندیخانەی ناوەندیی حکوومەت لەو شارە گواستراوەتەوە.
ئەو هاووڵاتییە لە تێپەڕکردنی ماوەی دەستبەسەربوونیدا لە مافە سەرەتایییەکانی وەک چاوپێکەوتن لەگەڵ بنەماڵەکەی و دەستپێڕاگەیشتن بە پارێزەر بێبەری و بێبەش کراوە.
محەممەد دادڕەس، هاوکات لەگەڵ هاووڵاتییەکی دیکە بە ناوی عومەر جیهانی، ڕۆژی پێنجشەممە، ٣ی سەرماوەزی ٢٧٢٢، لەلایەن هێزە حکوومەتییەکانی کۆماری ئیسلامیی ئێران لە ماڵەکەی خۆی ڕفێندراوە.
