هاووڵاتییەکی مەهابادی مانگێکە دەستبەسەر و چارەنووسی نادیارە

هەنگاو: هاووڵاتییەکی خەڵکی مەهاباد مانگێک پێش ئێستا لە شاری بانە دەستبەسەر کراوە و چارەنووسی نادیارە.

بەپێی ڕاپۆرتی ڕێکخراوی مافی مرۆڤی هەنگاو، هاووڵاتییەکی خەڵکی مەهاباد بە ناوی ”ڕەسووڵ ئێوە“ ناسراو بە ”هێمن“ مانگێک پێش ئێستا لەلایەن هێزەکانی ئیدارەی ئیتلاعاتی بانەوە دەستبەسەر کراوە و چارەنووسی نادیارە.

سەرچاوەیەکی نزیک لە بنەماڵەی ”ئێوەر“ لەوبارەوە بە هەواڵنێری هەنگاوی ڕاگەیاند کە ناوبراو ڕۆژی شەممە (١٢ی ڕێبەندانی ٢٧١٨ / ١ی فێوریەی ٢٠١٩) دەستبەسەر کراوە و بەدواداچوونی بەردەوامی بنەماڵەکەی هیچ ئاکامێکی بەدواوە نەبووە و هەتا ئێستا نازانرێت کە لەکوێ ڕاگیراوە.

ڕەسووڵ ئەیوەی یەکێک لە چالاکانی مەدەنی خەڵکی مەهاباد بووە کە بە تۆمەتی هاوکاری کردنی یەکێک لە حیزبە کوردستانییەکانی ئێران دەستبەسەر کراوە.