دەستبەسەرکرانی ١٢۷ هاووڵاتی لە ماوەی مانگی مارسی ٢٠٢٥ لە لایەن هێزە ئەمنییەکانی کۆماری ئیسلامیی ئێران

هەنگاو؛ سێشەممە ١۲ی خاکەلێوەی ٢٧٢۵

بە پشتبەستن بە ئامارە تۆمارکراوەکان لە ناوەندی ئامار و بەڵگەنامەکانی ڕێکخراوی مافی مرۆڤی هەنگاو، لە ماوەی مانگی مارسی ٢٠٢٥دا لانی کەم ١٢۷ هاووڵاتی کە ناسنامەیان بە تەواوی ئاشکرا کراوە، لە تەواوی ئێراندا لە لایەن هێزە ئەمنییەکانەوە دەستبەسەر کراون. ئەو ئامارە بەراورد بە ماوەی هاوشێوەی ساڵی ڕابردووی ۶٤ حاڵەت واتا ۱۰۱.۵٪ بەرز بووەتەوە. لە ماوەی مانگی مارسی ٢٠٢٤دا لانی کەم ۶۳ هاووڵاتی دەستبەسەر کرابوون.

بەپێی ئەم ڕاپۆرتە، لانی کەم ١۷ چالاکی ژن، ۸ منداڵ، ۶۶ هاووڵاتیی کورد، ۳۰ هاووڵاتیی بەلووچ و ١۱ هاووڵاتیی لوڕ لە ماوەی مانگی ڕابردوودا لە لایەن هێزە ئەمنییەکانی کۆماری ئیسلامیی ئێرانەوە دەستبەسەر کراون یان ڕفێندراون و زیاترین حاڵەتەکانی دەستبەسەرکران لە پارێزگای ئورمیە بە ۳۳ حاڵەتەوە تۆمار کراوە.

 

جیاکردنەوەی هاووڵاتییانی دەستبەسەرکراو بەپێی پارێزگاکان؛

بەپێی ئەم ڕاپۆرتە پارێزگای ئورمیە بە ۳۳ حاڵەتەوە زیاترین ژمارەی هاووڵاتییانی دەستبەسەرکراوی لەخۆ گرتووە، هەروەها لە پارێزگای سنە ۳۲ حاڵەت و لە پارێزگای سیستان و بەلووچستان ۲۸ حاڵەت لە دەستبەسەرکردنی هاووڵاتییان تۆمار کراوە.

پارێزگای ئورمیە: ۳۳ حاڵەت (بریتی لە ۳۰ هاووڵاتیی کورد و ۳ هاووڵاتیی تورک)

پارێزگای سنە: ٣۲ حاڵەت

پارێزگای سیستان و بەلووچستان: ۲۸ حاڵەت

پارێزگای خووزستان: ١۰ حاڵەت (بریتی لە ۹ هاووڵاتیی لوڕ و ١ هاووڵاتیی عەرەب)

پارێزگای تاران: ۸ حاڵەت (بریتی لە ۶ هاووڵاتیی فارس و ۲ هاووڵاتیی تورک)

پارێزگای ئازەربایجانی ڕۆژهەڵات: ۳ حاڵەت

پارێزگای ئیلام: ۲ حاڵەت

پارێزگای خوراسانی ڕەزەوی: ٢ حاڵەت (بریتی لە ۱ هاووڵاتیی کورد و ۱ هاووڵاتیی فارس)

پارێزگای هۆرمۆزگان: ٢ حاڵەت (بریتی لە دوو هاووڵاتیی بەلووچ)

پارێزگاکانی کرماشان، لوڕستان، مەرکەزی، سمنان، گیلان، ئەردەبیل و کۆهگیلوویە و بویێرئەحمەد: هەر یەک ١ حاڵەت

 

جیاکردنەوەی هاووڵاتییانی دەستبەسەرکراو بەپێی کەمینەی نەتەوەیی و پێکهاتەکان

بە پشتبەستن بە ئامارەکانی هەنگاو، لە ماوەی مانگی مارسدا لانی کەم ۶۶ هاووڵاتیی کورد لە لایەن ناوەندە حکوومەتییەکانی کۆماری ئیسلامیی ئێرانەوە دەستبەسەر کراون کە بەرانبەر بە ۵۲٪ی سەرجەم هاووڵاتییانی دەستبەسەرکراو لە تەواوی ئێران لە ماوەی مانگی ڕابردوو بوون. هەروەها لە ماوەی مانگی ڕابردوودا لانی کەم ۳۰ هاووڵاتیی بەلووچ (۲۳.۵٪) و ۱۱ هاووڵاتیی لوڕ (۸.۵٪) دەستبەسەر کراون.

هاووڵاتییانی کورد: ۶۶ حاڵەت

هاووڵاتییانی بەلووچ: ۳۰ حاڵەت

هاووڵاتییانی لوڕ: ۱۱ حاڵەت

هاووڵاتییانی تورک: ۹ حاڵەت

هاووڵاتییانی فارس: ۹ حاڵەت

هاووڵاتییانی گیلەک: ١ حاڵەت

هاووڵاتییانی عەرەب: ۱ حاڵەت

 

دەستبەسەرکرانی کەمینە ئایینی و مەزهەبییەکان

دەستبەسەرکرانی پەیڕەوانی کەمینە ئایینی و مەزهەبییەکان لە ئێران لە ماوەی مانگی مارس وەکوو ڕابردوو درێژەی هەبووە و لەو مانگەدا لانی کەم ۳ چالاکی بەهایی، یارسان و سوننەمەزهەب دەستبەسەر کراون کە ناوەکانیان لە درێژەی ئەم ڕاپۆرتەدا دێت.

چالاکانی بەهایی؛

١- ئەنیسا فەناییان خەڵکی سمنان

چالاکانی یارسان؛

١- موجتەبا وەیسی خەڵکی کرماشان

چالاکانی سوننەمەزهەب؛

١- زاهید شەهابی خەڵکی سەقز

 

دەستبەسەرکرانی لانی کەم ۸ منداڵی ژێر ۱۸ ساڵ لە ماوەی مانگی مارسی ٢٠٢٥

 

بە پشتبەستن بە ئامارە تۆمارکراوەکان لە ناوەندی ئامار و بەڵگەنامەکانی ڕێکخراوی مافی مرۆڤی هەنگاو، لە ماوەی مانگی ڕابردووی زایینیدا لانی کەم ۸ منداڵی ژێر ۱۸ ساڵ تەمەن لە لایەن ناوەندە ئەمنییەکانەوە دەستبەسەر کراون کە ۶٪ی کۆی دەستبەسەرکراوان لە ماوەی مانگی مارس بوون. لانی کەم دوو منداڵی دەستبەسەرکراو کچ بوون و کەم تەمەنترین منداڵی دەستبەسەرکراو ۱۰ ساڵان بووە.

بەپێی ئەم ڕاپۆرتە، ۶ منداڵی دەستبەسەرکراو کورد و ۲ کەسیان بەلووچ بوون و ناوەکانیان بەو شێوەیە؛

١- ئەوین ئەحمەدی تەمەن ١۶ ساڵ خەڵکی ئورمیە

٢- ساریا ئەحمەدی تەمەن ١٧ ساڵ خەڵکی ئورمیە

٣- شاکار محەممەدزادە تەمەن ١۰ ساڵ خەڵکی سەردەشت

٤- بڕیار محەممەدیانی تەمەن ١۴ ساڵ خەڵکی سەردەشت

۵- کەیهان تەدبیری تەمەن ١٧ ساڵ خەڵکی مەریوان

۶- محەممەد قادری تەمەن ١٧ ساڵ خەڵکی مەریوان

۷- یووسف ڕەسانە تەمەن ١٦ ساڵ خەڵکی ڕاسک

۸- سەعید کوردی تەمەندانی تەمەن ١۵ ساڵ خەڵکی خاش

 

دەستبەسەرکرانی ۱۷ چالاکی ژن لە ماوەی مانگی مارسی ٢٠٢٥

بە پشتبەستن بە ئامارە تۆمارکراوەکان لە ناوەندی ئامار و بەڵگەنامەکانی ڕێکخراوی مافی مرۆڤی هەنگاو، لە ماوەی مانگی ڕابردووی زایینیدا لانی کەم ۱۷ چالاکی ژن لە لایەن ناوەندە ئەمنییەکانەوە دەستبەسەر کراون کە ۱۳.۵٪ی کۆی دەستبەسەرکراوانی ئەو مانگە پێکدێنن.

لانی کەم ۹ ژنی دەستبەسەرکراو واتا ۵۳٪ی کۆی حاڵەتەکان چالاکانی ژنی کورد بوون و ناوەکانیان بەو شێوەیە؛

سنە؛ ۱ـ لەیلا پاشایی (خەڵکی سەقز) ۲ـ باران ساعیدی ۳ـ سۆما محەممەدڕەزایی ۴ـ شنۆ محەممەدی

تاران؛ ٥ـ سدیقە نوورباڵا ٦ـ فاتمە ئاتەشی خیاوی (خەڵکی ئەردەبیل) ٧ـ مەرزیە غەفاریزادە ٨- لەیلا قولیخانی گەنجە

ئورمیە: ۹ـ ڕۆژبین ئەفسوون ۱۰- ئەوین ئەحمەدی ۱۱- ساریا ئەحمەدی

تەورێز: ۱۲ـ سیما عەلیپوور

دێهدەشت؛ ۱۳ـ مێهرێگان نامئاوەر

دێولان: ۱۴ـ سۆهەیلا موتاعی

ڕەشت: ۱۵ـ نینا گوڵستانی

سەردەشت: ۱۶ـ ئارەزوو جەلیلزادە

سمنان: ۱۷ـ ئەنیسا فەناییان

 

دەستبەسەرکرانی لانی کەم یەک مامۆستا لە ماوەی مانگی مارسی ۲۰۲۵

لە ماوەی مانگی مارسی ٢٠٢٥دا گوشاری ناوەندە ئەمنییەکان لەسەر مامۆستایان و خوێندکاران درێژەی هەبووە و لانی کەم یەک مامۆستا لەو مانگەدا لە لایەن ناوەندە ئەمنییەکانی کۆماری ئیسلامیی ئێرانەوە دەستبەسەر کراوە.

مامۆستایانی دەستبەسەرکراو؛

١- ئارەزوو جەلیلزادە

خوێندکارانی دەستبەسەرکراو؛

هیچ حاڵەتێک تۆمار نەکراوە.

 

دەستبەسەرکرانی چالاکانی میدیایی لە ماوەی مانگی مارس

لە مانگی ڕابردووی زایینیدا هیچ حاڵەتێک لە دەستبەسەرکرانی چالاکانی میدیایی تۆمار نەکراوە.

 

دەستبەسەرکرانی نووسەران و هونەرمەندان

لە ماوەی مانگی مارسی ٢٠٢٥، لانی کەم سێ هونەرمەند بەناوەکانی فواد کشاوەرز خەڵکی سەقز، کاروان دافعی خەڵکی مەریوان و سۆهراب پاکزاد خەڵکی دێهدەشت و هەروەها سێ نووسەر بەناوەکانی مێهرێگان نامئاوەر خەڵکی دێهدەشت، نینا گوڵستانی خەڵکی ڕەشت و بێهزاد دافعی خەڵکی مەریوان لە لایەن هێزە حکومەتییەکانەوە دەستبەسەر کراون.

 

ناسنامەی تەواوی ئەو ١٢۷ هاووڵاتییە لە ناوەندی ئامار و بەڵگەنامەکانی ڕێکخراوی مافی مرۆڤی هەنگاو تۆمار کراوە. کەڵکوەرگرتن لەو ئامارە بە هێنانی ناوی سەرچاوەکەی ڕێگەپێدراوە. ئەو ئامارە تەنیا ئەو حاڵەتانە لەخۆ دەگرێت کە ناسنامەیان بە تەواوی بۆ هەنگاو ئاشکرا کراوە.