تەقینەوەی مین لە چالدێران قوربانی لێکەوتەوە

تەقینەوەی مین لە چالدێران قوربانی لێکەوتەوە

11:22 - 16 December 2020

 

هەنگاو: بە هۆی تەقینەوەی مینێک لە ناوچە سنوورییەکانی شاری چالدێران سەر بە پارێزگای ئورمیە، شوانێک بە سەختی بریندار بوو.

بەگوێرەی ڕاپۆرتی گەیشتوو بە ڕێکخراوی مافی مرۆڤی هەنگاو، ڕۆژی یەکشەممە ٢٣ی سەرماوەزی ٢٧٢٠ (١٣ی دێسامبری ٢٠٢٠)، هاووڵاتییەکی خەڵکی چالدێران بە ناوی قادر دەلایی میلان بە هۆی تەقینەوەی مین بە سەختی بریندار بوو.

قادر دەلایی میلان لە کاتی لەوەڕاندنی مەڕ و ماڵات و لە نزیک گوندی ”شەێخ سەلوو“ تووشی ئەو ڕووداوە بووە.

ئەو هاووڵاتییە کوردە ئێستا لە یەکێک لە بنکە تەندروستییەکانی شاری ماکۆ لە ژێر چاوەدێریی پزیشکیدایە.