دەستبەسەر کرانی ٢٨ هاووڵاتی کورد لە مانگی ئاوریلی ٢٠٢١ دا

دەستبەسەر کرانی ٢٨ هاووڵاتی کورد لە مانگی ئاوریلی ٢٠٢١ دا

11:40 - 3 May 2021

 

هەنگاو: لە ماوەی مانگی ڕابردووی زایینی، لاینکەم ٢٨ هاووڵاتیی کورد بە تۆمەتی چالاکی سیاسی و هاوکاری لەگەڵ حیزبە کوردستانییەکانی دژبەری ئێران و چالاکی مەدەنی و دەستبەسەر کراون.

بە پشتبەستن بە ئاماری تۆمارکراو لە ناوەندی ئامار و بەڵگەنامەکانی ڕێکخراوی مافی مرۆڤیی هەنگاو، لە ماوەی ئاوریلی ٢٠٢١ دا، لانیکەم ٢٨ هاووڵاتیی کورد بە تۆمەتی چالاکی سیاسی و هەروەها بەشداری لە ڕێوڕەسمەکانی تایبەت بە نەورۆز دەستبەسەر کراون.

بە پێی ئەم ڕاپۆرتە، ٢٢ کەس بە تۆمەتی چالاکی سیاسی و پەیوەندی لەگەڵ حیزبە کوردستانییەکانی دژبەری حکوومەت و هاووڵاتییەکیش بە هۆی بەشداری کردن لە ڕێوڕەسمەکانی تایبەت بە نەورۆز و ٥ کەسیش بە تۆمەتی چالاکی مەدەنی دەستبەسەر کراون.

زیاترین هاووڵاتی لە پارێزگاکانی ئورمیە دەستەبەسەر کراون کە ١٣ حاڵەت بووە. هەروەها دەستبەسەر کرانی ١٢ هاووڵاتی لە پارێزگای ئورمیە و ٣ هاووڵاتی لە پارێزگای ئیلام تۆمار کراوە.

سێ کەس لەو کەسانەی کە مانگی ڕابردوو دەستبەسەر کراون مێرمنداڵ و تەمەنیان ژێر ١٨ ساڵ بووە و ٣ ژنیش لەو ماوەیەدا دەستبەسەر کراون.