مێرمنداڵێکی ١٦ ساڵی خەڵکی شنۆ لەلایەن ئیتلاعاتی سوپا دەستبەسەر کرا

مێرمنداڵێکی ١٦ ساڵی خەڵکی شنۆ لەلایەن ئیتلاعاتی سوپا دەستبەسەر کرا

17:38 - 28 July 2022


هەنگاو: پێنجشەممە ٦ی گەلاوێژی ٢٧٢٢

مێرمنداڵێکی تەمەن ١٦ ساڵی خەڵکی شنۆ بە ناوی پێشەوا شاداب بەیانی ڕۆژی پێنجشەممە ٦ی گەلاوێژی ٢٧٢٢ (٢٨ی جولای ٢٠٢٢) لەلایەن هێزەکانی ئیتلاعاتی سوپای ئەو شارە دەستبەسەر و بۆ شوێنێکی نادیار گوازرایەوە.

بەگوێرەی ڕاپۆرتی گەیشتوو بە ڕێکخراوی مافی مرۆڤی هەنگاو، پێشەوا شاداب خەڵکی گوندی بابخاڵاوێ ڕۆژی ڕابردووش بۆ ماوەی ٨ کاتژمێر لەلایەن ئیدارەی ئیتلاعاتی شنۆ بە تۆمەتی هاوکاری لەگەڵ حیزبێکی کوردستانی دژبەری حکومەت دەستبەسەر و دوای لێپرسینەوە کاتژمێر ١٢ی شەو ئازاد کرابوو.

هەتا کاتی ئامادە کردنی ئەم هەواڵە، زانیارییەکی ورد لە سەر هۆکاری دەستبەسەرکرانی پێشەوا شاداب ١٦ ساڵە لەلایەن ئیتلاعاتی سوپا و هەروەها چارەنووس و شوێنی ڕاگیرانی لە بەر دەستدا نییە.