ئورمیە_ زڕدایکێک بەتەمابوو گوێی کچێکی ٥ ساڵان ببڕێت

12:27 - 4 May 2019

 

هەنگاو: منداڵێکی تەمەن ٥ ساڵی خەڵکی ئورمیە دوای ئەوەی لەلایەن زڕدایکیەوە کەوتووە بەر لێدان و کوتان ڕەوانەی نەخۆشخانە کراوە.

بەپێی ڕاپۆرتی گەیشتوو بە ڕێکخراوی مافی مرۆڤی هەنگاو، منداڵێکی تەمەن ٥ ساڵی خەڵکی ئورمیە بە ناوی ستایش دوای ئەوەی لەلایەن زڕدایکەوە لێی دراوە و جەستە و دەمووچاوی بە هۆی ئەو لێدانەوە شین بووەتەوە(بە پێی ئەو وێنانەی کە بڵاو بوونەتەوە)، ڕەوانەی نەخۆشخانە کراوە.

ستایش کە کچێکی تەمەن ٥ ساڵە ئێستا لە نەخۆشخانەی ”ئیمام“ی شاری ئورمیە لە ژێر چاوەدێری پزیشکیدایە و پۆلیس لێکۆكینەوەکانی لەوبارەوە دەست پێکردووە.

لەلایەکی دیکەوە، سەرچاوەیەکی لە زمانی باوکی ستایشەوە بە هەنگاوی ڕاگەیاندووە کە ”کاتێک چوومەتەوە ماڵ ژنەلەم (زڕدایکی ستایش) بە نیاز بووە کە گوێکانی ببڕێت“.