ئومید سەرئەفراز بە بارمتە ئازاد کرا

ئومید سەرئەفراز بە بارمتە ئازاد کرا

15:27 - 12 October 2021

 

هەنگاو: هاووڵاتییەکی خەڵکی دیواندەرە دوای دوو مانگ دەستبەسەر کران بە بارمتە ئازاد کرا.

بەگوێرەی ڕاپۆرتی گەیشتوو بە ڕێکخراوی مافی مرۆڤی هەنگاو، ڕۆژی یەکشەممە ١٨ی ڕەزبەری ٢٧٢١ (١٠ی ئۆکتۆبری ٢٠٢١)، ئومید سەرئەفراز، هاووڵاتیی دەستبەسەر کراوی خەڵکی دیواندەرە بە دانانی بارمتەی ٨٠٠ میلیۆن تمەنی و بە شێوەی کاتی ئازاد کرا.

بە وتەی سەرچاوەیەکی ئاگادار، ئومید سەرئەفراز لەو ماوەی کە دەستبەسەر بووە لەمافی چاوپێکەوتن لەگەڵ بنەماڵەکەی و هەروەها هەبوونی پارێزەر بێبەش بووە. ناوەندە ئەمنییەکان ئەم هاووڵاتییەیان بە هاوکاری کردنی حیزبێکی کوردستانی تۆمەتبار کردووە.

ئومید سەرئەفراز ڕۆژی دووشەممە ١٨ی گەلاوێژی ٢٧٢١ (٩ی ئاگۆستی ٢٠٢١) لەلایەن هێزەکانی ئیتلاعاتی سپا لە دیواندەرە دەستبەسەر و بۆ سنە گوازرایەوە.