ژمارەی ئەو کەسانەی کە لە کوردستان بە هۆی کۆرۆناوە گیانیان لە دەست داوە گەیشتە ٦٠ کەس

ژمارەی ئەو کەسانەی کە لە کوردستان بە هۆی کۆرۆناوە گیانیان لە دەست داوە گەیشتە ٦٠ کەس

22:55 - 10 March 2020

 


هەنگاو: ڕۆژ بە ڕۆژ ژمارەی توشبووانی پەتای کۆرۆنا لە کوردستان و ژمارەی ئەو شارانەی کە ئەو نەخۆشیەیان تێدا تۆمار دەکرێت بەرز دەبێتەوە.
 
 
بە پشتبەستن بە ئامارەکانی هەنگاو، لە ماوەی ٢٤ کاتژمێری ڕابردوودا ٧ هاووڵاتیی دیکە لە شارەکانی ئیلام، سەرپێڵی زەهاو، پیرانشار، میاندواو و سەقز بە هۆی تووشبوون بە پەتای کۆرۆناوە گیانیان لە دەست داوە کە پێنج کەسیان ژن بووە.
 
لە کۆی ئەو حەوت کەسە ژنێکی خەڵکی پیرانشار و پیاوێکی خەڵکی سەرپێڵی زەهاو بە لە شارەکانی ڕەشت و تاران تووشی ئەو پەتایە بوون.
 
بە هۆی نەبوونی سیستەمێکی ڕاگەیەنادنی فەرمی و جێگای متمانە، ڕێکخراوی مافی مرۆڤی هەنگاو بە ئەرکی زانیوە کە بە وەرگرتنی زانیاری لە سەرچاوەی جێگای متمانە لەمەوبەدوا ژمارەی قوربانیانی توشبوو بە پەتای کۆرۆنا لە کوردستان بە شێوەی ڕۆژانە بڵاو بکاتەوە.
 
بە پشتبەستن بە ئاماری تۆمارکراو لە ناوەندی ئاماری ڕێکخراوی مافی مرۆڤی هەنگاو، لانیکەم ٦٠ هاووڵاتی لەو ماوەیەدا بە هۆی تووشبوون بە پەتای کۆرۆناوە گیانیان لە دەست داوە کە ١٥ کەسیان ژن و ٤٥ کەسیان پیاو بوون.
 
 
 
جیا کردنەوە بە پێی پارێزگاکان
 
 
پارێزگای ئیلام: ٨ حاڵەت (١ ژن و ٧ پیاو)
 
پارێزگای کرماشان : ١٨ حاڵەت (٤ ژن و ١٤ پیاو)
 
پارێزگای سنە: ٢٨ حاڵەت (٨ ژن و ٢٠ پیاو)
 
پارێزگای ئورمیە: ٦ حاڵەت (٢ ژن و ٤ پیاو)
 
 
 
شارەکانی سەقز و کرماشان بە ٢٠ حاڵەت و ١٥ حاڵەت زیاترین ژمارەی گیان لە دەستدانیان تێدا تۆمار کراوە و باقی حاڵەتەکان لە شارەکانی ئیلام (٧ حاڵەت)، مەلەکشاهی (١ حاڵەت)، سەرپێڵی زەهاو (٢ حاڵەت)، سونقوڕ و کولیایی (١ حاڵەت)، سنە (٧ حاڵەت)، مەریوان (١ حاڵەت)، میاندواو (٢ حاڵەت)، پیرانشار (١ حاڵەت) و ئورمیە (٣ حاڵەت) تۆمار کراوە.