سنە؛ دەستبەسەرکران و نادیاری چارەنووسی سێ خوشک و برا
لە ماوەی ڕۆژانی ڕابردوودا سێ ئەندامی بنەماڵەیەک لە شاری سنە، بە ناوەکانی ڕادا فاتیحی، ڕامین فاتیحی و وریا فاتیحی لەلایەن هێزە ئەمنییەکانی کۆماری ئیسلامی ئێ.
هەنگاو: یەکشەممە ٢٤ی ڕەزبەری ٢٧٢٢
لە ماوەی ڕۆژانی ڕابردوودا سێ ئەندامی بنەماڵەیەک لە شاری سنە، بە ناوەکانی ڕادا فاتیحی، ڕامین فاتیحی و وریا فاتیحی لەلایەن هێزە ئەمنییەکانی کۆماری ئیسلامی ئێرانەوە ڕفێندراون چارەنووسیان نادیارە.
بەگوێرەی ڕاپۆرتی گەیشتوو بە ڕێکخراوی مافی مرۆڤی هەنگاو، ڕادا فاتیحی ڕۆژی هەینی ڕێکەوتی ٢٢ی ڕەزبەری ٢٧٢٢ (١٤ی ئۆکتۆبەری ٢٠٢٢) و ڕامین فاتیحی و وریا فاتیحی ڕۆژی پێنجشەممە ڕێکەوتی ٢١ی ڕەزبەر لەلایەن هێزە ئەمنییەکانەوە ڕفێندراون.
دوای تێپەڕینی چەند ڕۆژ بەسەر دەستبەسەرکرانی ئەو ٣ خوشک و برایە، بەدواداچوونە بەردەوامەکانی بنەماڵەکەیان لە ناوەندە ئەمنیی و پەیوەندیدارەکان لەسەر چارەنووس و شوێنی دەستبەسەرکرانی ئەم سێ هاووڵاتییە بێ ئەنجام ماوەتەوە و ناوەندە پەیوەندیدارەکان لە پێدانی هەر چەشنە زانیارییەک خۆ دەبوێرن.
بە پشتبەستن بەو ئامارانەوە کە لە ناوەندی ئامار و بەڵگەنامەکانی ڕێکخراوی مافی مرۆڤی هەنگاو تۆمار کراون، لە سەرەتای خۆپیشاندانەکانەوە هەتا ئێستا زیاتر لە ٥٠٠ هاووڵاتی تەنیا لە شاری سنە دەستبەسەرکراون، کە ناسنامەی ١١٠ کەسیان بۆ هەنگاو ئاشکرا بووە.
