یەکشەممە ٩ بەفرانبار، ٢٧٢٤

سوعدا خەدیرزادە بەندکراوی سیاسی و دووگیانی کورد مانی لە خواردن گرتووە

سوعدا خەدیرزادە بەندکراوی سیاسی کورد کە دووگیانە و لە بەندی ژنانی بەندیخانەی ناوەندیی ئورمیە ڕاگیراوە، بە نیشانەی ناڕەزایەتی دەربڕین بە ٧ مانگ ڕاگیرانی بەب

٨ بانەمەڕ ٢٧٢٢، ٠٩:٣٦
هەواڵەکان
بەندکراوان

 

هەنگاو: پێنج شەممە ٧ی بانەمەڕی ٢٧٢٢

سوعدا خەدیرزادە بەندکراوی سیاسی کورد کە دووگیانە و لە بەندی ژنانی بەندیخانەی ناوەندیی ئورمیە ڕاگیراوە، بە نیشانەی ناڕەزایەتی دەربڕین بە ٧ مانگ ڕاگیرانی بەبێ بێ دادگایی کران لە ڕۆژی سێشەممە ٦ی بانەمەڕی ٢٧٢٢وە مانی لە خواردن گرتووە و گیانی خۆی و کۆرپەلە ٨ مانگانەکەی لە مەترسیدایە.
 

بەگوێرەی ئەو تۆمارە دەنگییەی کە لە ناو بەندیخانەی ئورمیەوە بە دەستی هەنگاو گەیشتووە، سوعدا خەدیرزادە دەڵێت منیان وەک بارمتە لە بەندیخانە ڕاگرتووە و بە مەبەستی دانپێدانانی زۆرەملێ هەڕەشەیان لە من کردووە و هێزە ئەمنییەکان پێشنیاری دوور لە ئەخلاقیان بە من داوە.
 

سوعدا خەدیرزادە تەمەن ٣٢ ساڵ و خەڵکی پیرانشار ڕۆژی پێنجشەممە ٢٢ی ڕەزبەری ٢٧٢١) ١٤ی ئۆکتۆبەری ٢٠٢١) لەلایەن هێزەکانی ئیدارەی ئیتلاعاتی پیرانشار دەستبەسەر و بۆ ئورمیە گوازرایەوە. ناوبراو دوای ٢٥ ڕۆژ و تەواوبوونی لێپرسینەوەکانی بۆ بەندی ژنانی بەندیخانەی ناوەندیی ئورمیە گوازرایەوە و لەو کاتەوە بێ ئەوەی دادگایی بکرێت لە بەندی ژنان ڕاگیراوە لە خزمەتگوزاری پزیشکی تایبەت بە قۆناغی دووگیان بوون بێبەش کراوە.
 

جێگای ئاماژەیە کە سوعدا خەدیرزادە ئەو کاتەی کە دەستبەسەر کراوە دوو گیان بووە و ئێستا کۆرپەلەکەی ٨ مانگانە و مانگرتن لە خواردنی ناوبراو تەندروستی خۆی و کۆرپەلەکەی بەرەوڕووی مەترسی دەکاتەوە.
 

هەنگاو پێشتر هەندێک بەڵگەی بڵاو کردبووییەوە کە بە پێی ئەو بەڵگانە، سەرەڕای ئەوەیکە پزیشکانی پسپۆڕ ڕایانگەیاندووە کۆرپەلەکەی سوعدا خەدیرزادە ٤ مانگانە و ناوبراو ئازارێکی زۆری لە بەشی بڕبڕەی پشت و نەخۆشی دڵی هەیە، بەڵام تا ئێستا لێکۆڵەری دۆسیەکەی و بەرپرسانی بەندیخانە داخوازی ئازادی ناوبراویان بە بارمتە قبووڵ نەکردووە.

 

 

زیاتر بخوێننەوە لەم بارەوە

سنە؛ بەردەوامیی دەستبەسەرکران و ناڕوونی چارەنووسی سەیران خەسرەوی، چالاکی مافەکانی ژنان
٢٢ سەرماوەز ٢٧٢٤، ١٥:٣٨
بەندیخانەی ئورمیە؛ بەردەوامبوونی دەستبەسەرکران و ناڕوونیی چارەنووسی ڕزگار بەیگزادە بابامیری؛ سەپاندنی تۆمەتی ئەمنییەتی بە سەر ناوبراو
٢١ سەرماوەز ٢٧٢٤، ٢٣:٢٧
پەخشان عەزیزی بەندکراوی سیاسیی مەحکووم بە سێدارە ١٥٠ ڕۆژە لە مافی دیتنی بنەماڵە و پارێزەکانی بێبەشە/ نیگەرانیی پارێزەرەکانی لە دەستتێوەردانی ئەمنی لە دادگای پیداچوونەوە
١٥ سەرماوەز ٢٧٢٤، ١٩:٤٠
بەندیخانەی ئورمیە؛ میحراب عەبدوڵڵازادە، لە دەستبەسەرکراوانی بزووتنەوەی ژن ژیان ئازادی سزای سێدارەی بەسەردا سەپێندرا
٩ سەرماوەز ٢٧٢٤، ٢٠:٤٨
سنە؛ عەلی ئەڵڵاوەیسی سزای ١٨ مانگ بەندکرانی بەسەردا سەپێندرا
٢٨ خەزەڵوەر ٢٧٢٤، ١٣:٠٦
ئورمیە؛ سێ بەندکراوی کورد بە تۆمەتی سیخوڕیکردن بۆ ئیسرائیل سزای لەسێدارەدانیان بەسەردا سەپێندرا
١٧ خەزەڵوەر ٢٧٢٤، ٢٢:٢٥
گواستنەوەی عەلی ڕوحی بۆ گرتنگەی ئیتلاعاتی سوپا لە سنە
١٥ خەزەڵوەر ٢٧٢٤، ١٧:٣٩
بانە، بەردەوامی دەستبەسەرکران و نادیاری چارەنووسی سینەماکاری کورد ڕەزا عەلایی
٢١ ڕەزبەر ٢٧٢٤، ١٥:١٠