سێ چالاکی ڕێفۆرمخواز لە شاری سونقوڕ دەستبەسەر کران

هەنگاو: هێزەکانی ئیتلاعاتی سپای پاسدارانی کرماشان سێ چالاکی کوردی خەڵکی شاری سونقوڕیان دەستبەسەر کرد.

بەپێی ڕاپۆرتی ڕێکخراوی مافی مرۆڤی هەنگاو، ڕۆژی پێنج شەممە (٢٥ی ڕێبەندانی ٢٧١٨ / ١٤ی فێوریەی ٢٠١٩)، هێزەکانی ئیتلاعاتی سپای پاسدارانی کرماشان هەڵیانکوتاوەتە سەر ماڵی سێ چالاکی ڕیفۆرمخواز لە شاری سونقوڕ و دەستبەسەریانیان کردووە.

ئەو هیزانە هەڵیانکوتاوەتە سەر ماڵی هەر یەک لە "جەبار حاجی مورادی"، "کەیومەرس واعزی" و "هادی باقری" و دوای دەستبەسەر کردن بۆ شوێنێکی نادیاریان گواستوونەتەوە.

بە وتەی سەرچاوەیەکی ئاگادار، ئەو هێزانە وێرای دەستبەسەر کردنی ئەو سێ چالاکە ڕێفۆرمخوازە ماڵەکانیشانیان پشکنیوە و دەستیان بەسەر کۆمپیۆتەر و مۆبایلی ئەو سێ کەسەشدا گرتووە.

ئەو سێ هاووڵاتییە کوردە لە هەڵبژاردنەکانی ساڵی ڕابردووی سەرۆک کۆماری ئێران ئەندامی ناوەندی هەڵبژاردنی حەسەن ڕۆحانی لە شاری سونقوڕ سەر بە پارێزگای کرماشان بوون.