هاووڵاتییەکی کورد لە ئورمیە دەستبەسەر کرا
هەنگاو:هاوڵاتیەکی کورد لە ئورمیە بە تۆمەتی هاوکاری لەگەڵ حیزبە کوردستانییەکانی دژبەری ئێران دەستبەسەر کرا.
١٣ سەرماوەز ٢٧١٨، ١١:٠٤
هەنگاو:هاوڵاتیەکی کورد لە ئورمیە بە تۆمەتی هاوکاری لەگەڵ حیزبە کوردستانییەکانی دژبەری ئێران دەستبەسەر کرا.
بەپێی هەواڵی ڕێکخراوی مافی مرۆڤی هەنگاو، ڕۆژی دووشەممە (١٢ی سەرماوەز ٢٧١٨/ ٣ی دێسامبری ٢٠١٨) هێزەکانی ئیدارەی ئیتلاعاتی ئورمیە هاووڵاتییەکی کوردیان دەستبەسەر کرد.
هەواڵنێری هەنگاو ناسنامەی ئەو هاووڵاتیە دەستبەسەر کراوەی”سەعید کاکایی” تەمەن ٢٥ ساڵ و کوڕی حەسەن ڕاگەیەندراوە.
ئەو هاوڵاتیە کوردە بە تۆمەتی هاوکاری لەگەڵ حیزبە کوردستانییەکانی دژبەری حکومەتی ئێران دەستبەسەر کراوە.
سەعیید کاکایی دوای دەستبەسەر کران بۆ شوێنێکی نادیار گوازراوەتەوە و چارەنووسی نادیارە.
