Rêûresma Newrozê; Gazîkirin û gefxwarin li dehan welatiyên xelkê Dereşarê ji aliyê îdareya Îtilaatê ve

Hengaw; Çarşemî 2ê Nîsana 2025an

Dehan welatiyên xelkê bajarê Dereşarê yê girêdayî parêzgeha Îlamê ji ber beşdarîkirin di rêûresma Newroza vî bajarî de ji aliyê îdareya Îtilaatê ve hatine gazîkirin û rastî gefxwarinê hatine. Ev rêûresme tevî dijayetiya saziyên ewlehî, bi amadebûna berfireh a xelkê hate lidarxistin.

Pêka rapora ku gihaye bi Saziya Mafê Mirovî ya Hengawê, di vê dawiyê de îdareya Îtilaata Dereşarê hejmarek berçav ji welatiyên Kurd gazî kirine û ji ber beşdarîkirina çalakane ya wan di rêûresma Newroza vê dawiyê de, lêpirsîn ji wan hatiye kirin.

Li gorî çavkaniyeke agehdar, ev welatiyên Kurd li pêwendî digel rêûresma Newrozê ku roja Duşemî 31ê Adara 2025an bi amadebûna berçav a xelkê Dereşarê hatibû lidarxistin, hatine girtin.

Berê Hengawê vîdyoyek belav kiribû ku di vê rêûresma Newrozê de dirûşma “Jin, Jiyan, Azadî” bi awayekî bi kom ji aliyê amadebûyan ve  dihate  gotin.