سمکۆ مەعرووفی سزای بەندکرانی بەسەردا سەپا و مافی چوونەدەرەوە لەڵاتی لێ زەوت کرا

هەنگاو: یەێک لە چالاکانی ژینگەپارێزی خەڵکی بۆکان کە پێشتریش سزای بەندکرانی بە سەردا سەپابوو، لەلایەن دەزگای دادوەریی کۆماری ئیسلامی ئێرانەوە سزای بەندکرانی بە سەردا سەپا.

بە گوێرەی ڕاپۆرتی گەیشتوو بە ڕێکخراوی مافی مرۆڤی هەنگاو، سمکۆ مەعرووفی، چالاکی ژینگەپارێز و دامەزرێنەری ئەنجومەنی ژینگەپارێزی “وڵات” لە لایەن لقی ١٠٤ی دادگای تاوانەکانی بۆکانەوە بە تۆمەتی “پڕووپاگەندە دژی حکوومەت” سزای یەک ساڵ بەندکرانی بە سەردا سەپاوە و بۆ ماوەی دوو ساڵ مافی چوونە دەرەوە لە وڵاتی لێ زەوت کراوە.

بە وتەی سەرچاوەیەکی ئاگادار، دانیشتنی دادگای سمکۆ مەعرووفی ڕۆژی چوارشەممە ٢٥ی خاکەلێوەی ١٤٠٠ (١٤ی ئاوریلی ٢٠٢١) و بە بێ بەشداری پارێزەرەکی بەڕێوە چووە.

سمکۆ مەعرووفی ڕۆژی شەممە ١٦ی ڕەشەممەی ٢٧٢٠ (٦ی مارسی ٢٠٢١)  لەلایەن ھێزەکانی ئیدارەی ئیتلاعاتی بۆکان دەستبەسەر و دوای ٢٥ ڕۆژ بەندکران بە دانانی بارمتەی ١٠٠ میلیۆن تمەنی و بە شێوەی کاتی ئازاد کرابوو.

ناوبراو ساڵی ٢٧١٩ (٢٠١٩)) لەلایەن لقی ١٠١ دادگاەی تاقانەکانی یەکی شاری بۆکان بە تۆمەتی "تێکدانی ئاسایشی گشتی" لە ڕێگەی بەشداری لە کۆبوونەوەی نارەزایەتی بە نیسبەت شەرمەزارکردنی  لەشکەرکێشی تورکیا بۆ کوردستانی سوریا، سزای دوو ساڵ بەندکرانی بەسەردا سەپێندرابوو.