پێنج هاووڵاتیی دەستبەسەرکراوی خەڵکی نییەر هێشتا لە دەستبەسەرگەی ئیتلاعات ڕاگیراون

هەنگاو: دوایی تێپەڕبوونی ٧٠ ڕۆژ بە سەر دەستبەسەرکرانی چوار هاووڵاتیی خەڵکی گوندی نییەر سەربە شاری سنە و سێ حەوتوو لە دەستبەسەر کردنی هاووڵاتییەکی دیکەی خەڵکی ئەم گوندە، هێشتا دەستبەسەرن و چارەنووسیان نادیارە.

بە گوێرەی گەواڵی گەیشتوو بە ڕێکخراوی مافی مرۆڤی هەنگاوم، دوای تێپەڕبوونی یەک مانگ لە دەستبەسەرکرانی چوار هاووڵاتی گوندی نییەر بە ناوەکانی "پەیام مینبەری، سەریاد مینبەری، کاوە مینبەری و شێرکۆ مینبەری" تا ئێستاش لە دەستبەسەرگەی ئیدارەی ئیتلاعاتی شاری سنە ڕاگیراون.

بە وتەی شەرچاوەیەکی ئاگادار، ئەم چوار هاووڵاتییە هاوڕێ لەگەڵ میکائیل مینبەری تا ئێستا لە مافی دیتنی بنەماڵەکانیان و هەبوونی پارێزەر بێبەشن.

کۆتایی مانگی ڕابردوو هەنگاو لە ڕاپۆرتێکدا بڵاوی کردبووە کە هێزەکانی ئیدارەی ئیتلاعاتی دەستیان بە سەر ئامێری مۆبایلی ئەو چوار کەسەدا گرتووە و تۆڕە کۆمەڵایەتییەکانیانیان چالاک کردووە و بە مەبەستی ناسینی چالاکانی مەدەنی پەیام بۆ دۆست و هاوڕێکانیان دەنێرن.

کاوە مینبەری و شێرکۆ مینبەری ڕۆژی چوارشەممە ٨ی بانەمەڕ (٢٨ی ئاوریل) لە گوندی نییەر و پەیام مینبەری و سەریاد مینبەری ڕۆژی شەممە ١١ی بانەمەڕ (١ی مەی) و میکایل مینبەری ڕۆژی سێشەممە ٢٥ی جۆزەردان (١٥ی ژوئیە)  لە شاری سنە و لەلایەن ئیدارەی ئیتلاعاتەوە دەستبەسەرکراون.

هەنگاو پێشتر بە پشتبەستن بە سەرچاوەی باوەڕپێکراو ڕایگەیاندبوو کە ئەم پێنج هاووڵاتییەی خەڵکی گوندی نییەر لە پەیوەندی لەگەڵ بەرێوەچوونی ڕێوڕەسمی نەورۆز لەو گوندە دەستبەسەر کراون.