سێشەممە ١٥ خەزەڵوەر، ٢٧٢٤

دایکی زەینەب جەلالیان لەلایەن ئیدارەی ئیتلاعاتەوە بانگ کرا

هەنگاو: دوای بڵاوبوونەوەی تۆمارێکی ڤیدیۆیی لەلایەن غەزالە بەلخکانلوو، دایکی زەینەب جەلالیان بەندکراوی سیاسی کورد، ئەو دایکە بەساڵا

٢ ڕەشەمە ٢٧٢١، ٠١:٢٤
هەواڵەکان

 

هەنگاو: دوای بڵاوبوونەوەی تۆمارێکی ڤیدیۆیی لەلایەن غەزالە بەلخکانلوو، دایکی زەینەب جەلالیان بەندکراوی سیاسی کورد، ئەو دایکە بەساڵاچووە لەلایەن ئیدارەی ئیتلاعاتی شاری ماکۆوە بانگ کراوە.

بەگوێرەی هەواڵی گەیشتوو بە ڕێکخراوی مافی مرۆڤی هەنگاو، ڕۆژی دووشەممە ٢ی ڕەشەمەی ٢٧٢١ (٢١ی فێوریوەری ٢٠٢٢) گویزەل حاجی زاده تەمەن ٧١ ساڵ، دایکی بەساڵاچووی زەینەب جەلالیان بەندکراوی سیاسی کورد بۆ ئیدارەی ئیتلاعاتی شاری ماکۆ بانگ کراوە و لێپرسینەوەی لەگەڵ کراوە. ناوبراو شەوی ڕابردوو لە ڕێگەی تەلەفۆنەوە ئاگادار کراوەتەوە کە دەبێت ڕۆژی دووشەممە خۆی بەم ناوەندە ئەمنییە بناسێنێت.

بانگ کردنی گویزەل حاجی زاده بۆ ئیدارەی ئیتلاعات دوای ئەوە بووە کە ڕۆژی ڕابردوو ڤیدیۆیەک بڵاو بووەوە کە ناوبراو تێیدا سەبارەت بە بارودۆخی زەینەب جەلالیان و ڕێگری ناوەندە ئەمنییەکان لە چاوپێکەوتنی زەینەب لەگەڵ بنەماڵەکەی و پارێزەرەکەی قسە دەکات و داوا لە ڕێکخراوە مافی مرۆڤییەکان دەکات کە هاوکاری بکەن.

هەنگاو زانیویەتی هێزەکانی ئیدارەی ئیتلاعاتی ماکۆ هەڕەشەیان لە دایە گویزەل حاجی زاده کردووە کە نابێت ئەم بابەتە میدیایی بێتەوە و سەبارەت بە زەینەب هیچ قسەیەک و ڤیدیۆیەک بڵاو بکاتەوە و ئەگەر دووپاتی بکاتەوە بەرەوڕووی دەبنەوە.

زەینەب جەلالیان ساڵی ١٣٨٦ی هەتاوی لە کرماشان دەستبەسەر و مانگی سەرماوەزی ١٣٨٧ لەلایەن لقی یەکی دادگای شۆڕشی کرماشانەوە بە سەرۆکایەتی دادوەر مورادی بە تۆمەتی بەزاندنی نایاسایی سنوورەکانی ئێران سزای ساڵێک بەندکران و هەروەها بە تۆمەتی دژایەتیی خودا» موحارێبە» لەڕێگەی ئەندامەتی لە پارتی ژیانی ئازادی کوردستان» پژاک» سزای سێدارەی بەسەردا سەپا.

سزای سێدارەی زەینەب جەلالیان ساڵی ٨٨ی هەتاوی لەلایەن دیوانی بەرزی وڵاتەوە پشتڕاست کرا یەوە و پاشان لە ساڵی ٩٠ و بەهۆی بەرکەوتنی لێبوردنی» خامنەیی» ەوە بۆ بەندکرانی هەتاهەتایی کەم کرایەوە.
ناوبراو لە ماوەی ١٥ ساڵی ڕابردوودا لە بەندیخانەکانی کرماشان، ئەوینی تاران، قەرچەکی وەرامین و خۆی ڕاگیراوە و پاییزی ساڵی ڕابردوو بۆ بەندیخانەی یەزد گوازراوەتەوە و لەو کاتەوە هیچ پەیوەندییەکی بە بنەماڵەکەیەوە نەماوە.


زەینەب جەلالیان لەدایکبووی ساڵی ١٣٦١ی هەتاوی (١٩٨٢ی زایینی) لە گوندی دەیم قشڵاقی ماکۆیە و لەو کاتەوە دەستبەسەر کراوە بەبێ مافی مەرەخەسی لە بەندیخانەکانی حکومەتی ئێراندایە.

 


 

زیاتر بخوێننەوە لەم بارەوە

نەوسوود؛ برینداربوونی ماردین شوکری لە کاتی کۆڵبەری بە تەقەی ڕاستەوخۆی هێزە چەکدارەکانی ئێران
١٥ خەزەڵوەر ٢٧٢٤، ١٤:٠٠
سنە، دەستبەسەرکران و نادیاری چارەنووسی عیزەتوڵڵا زەینەلپوور
١٥ خەزەڵوەر ٢٧٢٤، ١٢:٥٧
بەندیخانەی سەقز؛ گواستنەوەی جەهانگیر ڕەحیمی بۆ ژووری تاکەکەسی بە مەبەستی جێبەجێکرانی سزای سێدارەکەی
١٤ خەزەڵوەر ٢٧٢٤، ٢٠:٣٢
ڕاپۆرتی مانگانەی هەنگاو لەسەر پێشێلکرانی مافەکانی ژنان لە ئێران، ئۆکتۆبەری ٢٠٢٤
١٤ خەزەڵوەر ٢٧٢٤، ١٦:٥٢
سەقز؛ کەیوان ڕەحیمی، چالاکی کۆمەڵایەتی سزای بەندکرانی بەسەردا سەپێندرا
١٤ خەزەڵوەر ٢٧٢٤، ١٤:٤٣
جێبەجێکردنی سزای سێدارەی ئاروین قارەمانی، هاووڵاتیی جوو لە بەندیخانەی دیزڵئاوای کرماشان
١٤ خەزەڵوەر ٢٧٢٤، ١٣:٠١
شنۆ؛ سەپاندنی سزای بەندکران بۆ سەر سێ هاووڵاتی لە دەستبەسەرکراوانی دووەمین ساڵڕۆژی کوشتنی ژینا ئەمینی
١٤ خەزەڵوەر ٢٧٢٤، ١٠:٤٦
ماکۆ؛ ڕاپۆرتێک لەسەر دەستبەسەرکران و ناڕوونی چارەنووسی حوسێن ڕەشیدی و مریەم ڕەشیدی
١٣ خەزەڵوەر ٢٧٢٤، ٢٣:٢٦