سەعدی مەحموودی دوای دوو مانگ بە بارمتە ئازاد کرا

هەنگاو: یەکشەممە ٢٢ی جۆزەردانی ٢٧٢٢

سەعدی مەحموودی هاووڵاتیی دەستبەسەر کراوی خەڵکی پیرانشار ڕۆژی سێشەممە ١٧ی جۆزەردانی ٢٧٢٢ دوای ٥٧ ڕۆژ بەندکران بە دانانی بارمتەی ٥٠٠ ملیۆن تمەنی و بەشێوەی کاتی هەتا کۆتایی پرۆسەی دادگایی کردنەکەی، لە بەندیخانەی ناوەندیی نەغەدە ئازاد کراوە.

یەکێک لە نزیکانی بنەماڵەی مەحموودی لەوبارەوە بە هەنگاوی وت: «سەعدی مەحموودی لە ماوەی ئەو ڕۆژانەی کە دەستبەسەر بووە لە مافی دەستپێڕاگەیشتن بە پارێزەر و هەروەها چاوپێکەوتن لەگەڵ بنەماڵەکەی بێبەش بووە».

سەعدی مەحموودی تەمەن ٢٥ ساڵ ڕۆژی پێنجشەممە ٢٥ی خاکەلێوەی ٢٧٢٢ لەلایەن هێزەکانی ئیدارەی ئیتلاعاتی پیرانشار دەستبەسەر و بۆ دەستبەسەرگەی ئەم ناوەندە ئەمنییە لە شاری ئورمیە گوازرایەوە.

هەنگاو زانیویەتی کە ناوەندە ئەمنییەکان سەعدی مەحموودییان بە هاوکاری کردنی حیزبێکی کوردستانی دژبەری حکومەت تۆمەتبار کردووە.