دووشەممە ٢ ڕەزبەر، ٢٧٢٤

میکاییل مینبەری بە بارمتە و بەشێوەی کاتی ئازاد کرا

میکاییل مینبەری بەندکراوی سیاسی پێشوو کە مانگی پووشپەڕی ئەمساڵ لەلایەن هێزەکانی ئیدارەی ئیتلاعات دەستبەسەر کرابوو، دوای تێپەڕبوونی ٧

٢٢ خەرمانان ٢٧٢٢، ١٥:٣٠
هەواڵەکان


هەنگاو: سێشەممە ٢٢ی خەرمانانی ٢٧٢٢

میکاییل مینبەری بەندکراوی سیاسی پێشوو کە مانگی پووشپەڕی ئەمساڵ لەلایەن هێزەکانی ئیدارەی ئیتلاعات دەستبەسەر کرابوو، دوای تێپەڕبوونی ٧٥ ڕۆژ بەدانانی بارمتەی یەک ملیار و ٤٠٠ ملیۆن تمەنی و بەشێوەی کاتی لە بەندیخانەی ناوەندیی سنە ئازاد کرا.


بەگوێرەی هەواڵی گەیشتوو بە ڕێکخراوی مافی مرۆڤی هەنگاو، میکاییل مینبەری لە ماوەی ئەو ڕۆژانەی کە دەستبەسەر بووە لە مافی دەستپێڕاگەیشتن بە پارێزەر و هەروەها چاوپێکەوتنی بنەماڵەکەی بێبەش بووە.

میکاییل مینبەری هاووڵاتیی خەڵکی گوندی نییەر سەر بە شاری سنە، ئێوارەی ڕۆژی چوارشەممە ٨ی پووشپەڕی ٢٧٢٢ لە حاڵێکدا بۆ وەرگرتنی ئۆتۆمبێلی خۆی سەردانی میکانیکی کردبوو، لەلایەن هێزەکانی
ئیدارەی ئیتلاعات دەستبەسەر و بۆ دەستبەسەرگەی ئەم ناوەندە ئەمنییە گوازرایەوە.

ئەم چالاکە کوردە ڕۆژی ٥ی خەرمانانی ئەمساڵ دوای دوو مانگ ڕاگیران لە ژووری تاکەکەسیی دەستبەسەرگەی ئیتلاعاتی سنە و ئەشکەنجە کران لەو ماوەیەدا، بۆ بەندیخانەی ناوەندیی سنە گوازرابووەوە.

هەنگاو پێشتر ڕایگەیاندبوو کە، ٨ کەس لە هێزە ئەمنییەکان کە لە نێو دوو ئۆتۆمبێلدا بوون، دوای گەیشتنی میکاییل مینبەری بە میکانیکی ناوبراویان دەستبەسەر کردووە.
.
شایانی باسە میکاییل مینبەری ٢٥ی جۆزەردان ساڵی ڕابردووش لەلایەن هێزەکانی ئیتلاعاتی سنەوە دەستبەسەر و دوای ١١٠ ڕۆژ بەندکران ڕۆژی شەممە ١٠ی ڕەزبەر بە دانانی بارمتەی ٧٠٠ ملیۆن تمەنی و بە شێوەی کاتی ئازاد کرابوو.

 


 

زیاتر بخوێننەوە لەم بارەوە

بەندیخانەی ئێڤین؛ بارودۆخی نالەباری تەندروستی لوقمان عەلیزادە بەندکراوی ئایینی کورد دوای ١٣ مانگ دەستبەسەری
١ ڕەزبەر ٢٧٢٤، ١٣:٠٠
بەردەوامیی دەستبەسەرکران و ناڕوونی چارەنووسی مینا سوڵتانی لە دایکە دادخوازەکانی کوردستان
٣١ خەرمانان ٢٧٢٤، ١٦:٥٤
گیانلەدەستدانی کۆڵبەرێکی گەنج دوای ١٨ مانگ برینداربوون لە ئەنجامی تەقەی هێزە چەکدارەکانی ئێران
٣١ خەرمانان ٢٧٢٤، ١٥:٥٢
دەستبەسەرکرانی دووبارەی تاهیر کەتانی لە مەهاباد
٣٠ خەرمانان ٢٧٢٤، ١٦:٥٧
دیواندەرە؛ دەستبەسەرکرانی خەلیل ئەسغەری و پووریا حوسێنی لە لایەن هێزە ئەمنییەکانەوە
٢٩ خەرمانان ٢٧٢٤، ١٥:٠٥
دەستبەسەرکرانی حوسێن فەتاحی هاووڵاتیی خەڵکی گیەڵان
٢٩ خەرمانان ٢٧٢٤، ١٢:٢٥
تاران؛ بێهرووز ئیحسانی ئیسلاملوو و مەهدی حەسەنی سزای سێدارەیان بەسەردا سەپێندرا
٢٩ خەرمانان ٢٧٢٤، ١٢:١٣
سەقز؛ دەستبەسەرکرانی فەردین مستەفایی ئەندامی فیدراسیۆنی نێودەوڵەتی ڕۆژنامەنووسان
٢٨ خەرمانان ٢٧٢٤، ١٦:١٥