دوو برای دەستبەسەر کراوی مەهابادی بۆ بەندیخانەی ئەو شارە گوازرانەوە

دوو برای دەستبەسەر کراوی مەهابادی بۆ بەندیخانەی ئەو شارە گوازرانەوە

12:56 - 8 December 2020

 

هەنگاو: دوو برای خەڵکی مەهاباد کە لەلایەن هێزە ئەمنییەکانی حکوومەت دەستبەسەر کرابوون، دوا زیاتر لە دوو مانگ بەندکران بۆ بەندیخانەی ناوەندیی ئەو شارە گوازرانەوە.

بەگوێرەی هەواڵی گەیشتوو بە ڕێکخراوی مافی مرۆڤی هەنگاو، لەماوەی ڕۆژانی ڕابردوودا هەر یەک لە سامان غەزاڵی و براکەی سالار غەزاڵی دوای زیاتر لە دوو مانگ دەستبەسەر کران لە دەستبەسەرگەی ئیتلاعاتی ئورمیە بۆ بەندیخانەی ناوەندیی مەهاباد گوازراونەتەوە.


 سامان غەزاڵی خوێندکاری کارناسی باڵای کۆمەڵناسی زانکۆی بروجێرد و براکەی سالار غەزاڵی دەرچووی کارناسوی باڵای شیمی لە زانکۆی ڕازی کرماشان، ڕۆژی چوارشەممە ٢٦ی خەرمانانی ٢٧٢٠ (١٦ی سێپتامبری ٢٠٢٠) لەلایەن هێزەکانی ئیدارەی ئیتلاعاتی مەهاباد دەستبەسەر کران.

ئەو دوو برایە لەلایەن ناوەندە ئەمنییەکانی کۆماری ئیسلامی ئێرانەوە بە هاوکاری کردنی پارتی ژیانی ئازادی کوردستان (پژاک) تۆمەتبار کراون.