پێنج دەستبەسەر کراوی خەڵکی سەقز بە بارمتە ئازاد کراون

هەنگاو: پێنج هاووڵاتیی دەستبەسەر کراوی خەڵکی سەقز دوای مانگێک دەستبەسەر کران بە دانانی بارمتە و بە شێوەی کاتی ئازاد کراون.
 

بەپێی ڕاپۆرتی گەیشتوو بە ڕێکخراوی مافی مرۆڤی هەنگاو، لە ماوەی ڕۆژانی ڕابردوودا، پێنج هاووڵاتیی دەستبەسەر کراوی خەڵکی سەقز بە ناوەکانی ”عەلی قادری“، ئارمیا ڕەنجبەری“، "هێمن کەریمی" و دوو برا بە ناوەکانی ”هیوا ئەمینی“ و ”وریا ئەمینی“ دوای مانگێک دەستبەسەر کران لە دەستبەسەرگەی ئیدارەی ئیتلاعاتی سنە هەر کامەیان بە دانانی بارمتەی پەنجا میلیۆن تمەنی و بە شێوەی کاتی هەتا بەڕێوەچوونی دانیشتنی دادگا ئازاد کراون.

ئەو پێنج هاووڵاتییە کوردە ڕۆژی چوارشەممە ١٥ی گەلاوێژی ٢٧٢٠ (٥ی ئاگۆستی ٢٠٢٠)، لەلایەن هێزەکانی ئیدارەی ئیتلاعاتی سەقز دەستبەسەر کرابوون.