سەپاندنی سزای بەندکران بە سەر ٥ چالاکی کورد لە مانگی جولای ٢٠٢٢ دا

سەپاندنی سزای بەندکران بە سەر ٥ چالاکی کورد لە مانگی جولای ٢٠٢٢ دا

16:02 - 6 August 2022


هەنگاو: شەممە ١٥ی گەلاوێژی ٢٧٢٢

لە ماوەی مانگی ڕابردوودا لقەکانی دادگاکانی شۆڕش و تاوانەکانی کۆماری ئیسلامیی ئێران لە شارەکانی کوردستان لانی کەم ٥ چالاکی سیاسی و مەدەنی کوردیان بە بەندکران سزا داوە.

بە پشتبەستن بە ئاماری تۆمارکراو لە ناوەندی ئامار و بەڵگەنامەکانی ڕێکخراوی مافی مرۆڤی هەنگاو، لە ماوەی مانگی جولای ٢٠٢٢دا، لانی کەم ٥ چالاکی سیاسی کورد لەلایەن دەزگای دادوەریی کۆماری ئیسلامیی ئێرانەوە دادگایی کراون و سزای ٤ساڵ و ٣ مانگ بەندکران و هەروەها ٥ ساڵ بەندکرانی هەڵپەسێردراویان بە سەردا سەپاوە.


زیاترین سزاکان کە ٢ حاڵەتە لەلایەن لقی یەکەمی دادگای شۆڕشی سنە بە سەر چالاکانی کورد سەپاوە.

جیاکردنەوە بە پێی تۆمەتەکان
چالاکی سیاسی: ٤ حاڵەت کە دەکاتە ٨٠٪ی کۆی حاڵەتەکان
چالاکی مەدەنی: ١ حاڵەت کە دەکاتە ٢٠٪ی کۆی حاڵەتەکان
چالاکی مەزهەبی: هیچ حاڵەتێک تۆمار نەکراوە

جیاکردنەوە بەپێی پارێزگاکان
کرماشان: هیچ حاڵەتێک تۆمار نەکراوە
سنە: ٢ حاڵەت (٢ چالاکی پیاو)
ئورمیە: ٣ حاڵەت (٣ چالاکی پیاو)
ئیلام: هیچ حاڵەتێک تۆمار نەکراوە

ئەو دادگایەی کە سزاکەی سەپاندووە
لقی یەکەمی دادگای شۆڕشی سنە: ٢ حاڵەت
دادگای شۆڕشی بۆکان: ١ حاڵەت
دادگای شۆڕشی مەهاباد: ١ حاڵەت
دادگای شۆڕشی شنۆ: ١ حاڵەت


ناوی ئەو کەسانەی کە سزایان بە سەردا سەپاوە؛

١_ عادڵ مێهرنەوایی خەڵکی بۆکان سزای ٤ مانگ بەندکران
٢_ کاوە سولەیمان پوور خەڵکی مەهاباد سزای ٦ مانگ بەندکران
٣_ ڕێبوار عەبدوڵڵایی خەڵکی سنە سزای ٢ ساڵ بەندکرانی هەڵپەسێردراو
٤_ فەردین مەولوودی خەڵکی سنە سزای ٥ مانگ بەندکران
٥_ سینا مینایی خەڵکی شنۆ سزای ٣ ساڵ بەندکران و ٣ ساڵ بەندکرانی هەڵپەسێردراو